Македонија
Три пожари на отворен простор во последното деноноќие, соопшти ЦУК
Во текот на деноноќието, до утрово, противпожарните тимови интервенирале вкупно на шест пожари на отворен простор и сите ги изгаснале, според извештаите од надлежните институции од Системот за управување со кризи (СУК) добиени во Секторот за операции и координација (СОК) во Центарот за управување со кризи (ЦУК).
Регионалниот ЦУК Скопје известува дека пожарникарите од Бригадата за противпожарна заштита (БППЗ) на Град Скопје во текот на изминатото деноноќие имале интервенција за гаснење пожари на отворено од 19.20 до 21.05 часот. Конкретно, како што велат од таму, со три пожарникари и едно противпожарно (ПП) возило гаснеле запалени отпадоци на површина од 500 м2 во населбата Шуто Оризари, во истоимената општина Шуто Оризари, и имале уште една помала интервенција во тој предел.
Регионалниот ЦУК Охрид известува дека пожарникарите од Територијалната противпожарна (ТППЕ) Струга од 6.56 до 10.30 часот со шест пожарникари и три ПП возила гаснеле запалено складирано сено на влезот во с. Мислешево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја корисници од село Долно Лисиче
Без струја од 08:30 до 15 часот ќе бидат корисници од село Долно Лисиче (објекти на патот кон Драчево и ул.„10“), најави Регионалниот центар за управување со кризи (РЦУК) Скопје.
Прекинот е поради планирани технички интервенции во електродистрибутивната мрежа.
Македонија
Времето променливо облачно со сончеви периоди
Времето денес ќе биде променливо облачно со сончеви периоди.
Попладне претежно во западните и југоисточните делови од земјата ќе има локална појава на краткотраен пороен дожд и услови за ретки грмежи. Ќе дува слаб до умерен ветер од северен правец. Минималната температура ќе биде во интервал од 4 до 12, а максималната ќе достигне од 19 до 26 степени.
Во Скопје променливо облачно време со сончеви периоди. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 25 степени.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилна облачност со пороен дожд и грмежи, особено во вторник, кога дневните температури ќе опаднат за неколку степени.
Македонија
Пендаровски ја напушти Вила Водно, им се заблагодари на граѓаните и соработниците
Експретседателот на државата, Стево Пендаровски, чијшто мандат заврши денес, преку социјалните мрежи упати благодарност до граѓаните и своите соработници.
„Благодарност до сите граѓани за укажаната доверба и на сите соработници со кои заеднички работевме во изминатите пет години“, напиша Пендаровски.
Претходно тој во Вила Водно ја пречека новата претседателка Гордана Силјановска-Давкова, пришто свечено и’ ја предаде функцијата, а и’ ja честита и победата.
Пендаровски беше петтиот претседател од осамостојувањето на државата, а функцијата ја презеде во 2019 година од дотогашниот претседател, Ѓорге Иванов.
По престанокот на функцијата, на секој претседател му следат низа на доживотни бенефиции. Според Законот за правата на претседателот и неговото семејство по престанок на функцијата, претседателот има право на пензија чиј износ е еднаков со износот на платата што ја прима претседателот на државата, има право на канцелариски простор и најмногу три соработници. Има и право на лично обезбедување, како и право на користење службено возило и возач.
Пендаровски неодамна изјави дека по завршувањето на мандатот нема да бара претседателска пензија, ниту пак средства за отворање на канцеларија, туку ќе се врати на работното место професор.