Македонија
Турскиот амбасадор: Нема потреба од дополнителни спасувачки екипи, помошта ќе биде испишана со златни букви во историјата
Македонија испрати еден милион евра финансиска помош досега за настраданите во Турција . Ова го изјави турскиот амбасадор и посочи: „До минатиот петок во Турција е трансферирана сума близу еден милион евра, се надеваме и на уште поголема цифра“.
Како што најави тој, денес првата помош е товарена во два камиона и се состои од 25 тона прехрамбени и хигиенски материјали и 4000 ќебиња кои ќе бидат пренесени во Газијантеп.
„На оваа моќна солидарност искажана во овие тешки денови турскиот народ со благодарност ќе се сеќава“, изјави турскиот амбасадор.
Турскиот амбасадор посочи дека со голема благодарност се следи теренската работа на спасувачките екипи, и нивните имиња ќе бидат испишани со златни букви во срцата на турскиот народ и турската историја. Дополни и дека засега нема потреба од дополнителни спасувачки екипи.
Од Црвениот крст посочија дека се сведоци на многу иницијативи за помош, но квалитетот на донациите не е на задоволително ниво.
„800 пакети со храна, 1700 со хигиенски производи и 4000 кебиња испраќа Црвениот крст . Сведоци бевме на многу иницијативи деновиве, но квалитетот на хуманитарната помош не е на задоволително ниво и сето тоа не може да се испрати. Заклучно со вчерашниот ден имаме собрано 25 милиони 120 000 денари , од кои 12 милиони и 900 000 се собрани од телефонските повици, остатокот се уплати на жиро сметката на Црвениот крст“, дополнија оттаму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Тренчевска: Од 2017 година до денес најниската исплатена пензија ја покачивме за 5.309 денари
„330% повисока социјална помош, 53% повисоки пензии, 180% повисока минимална плата, 40 000 просечна плата се нашите резултати и знам дека тоа можеби не е доволно. Затоа вечерва стојам пред вас не како жена, туку како ваша пријателка и комшивка, како жена која работеше со интегритет и бара поддршка за број 1 на 8 мај“ порача Тренчевска од говорницата на митингот во Радовиш.
Ко-носителката на изборна единица 4 од СДСМ, Јованка Тренчевска вечерва на радовишани им порача дека вистинскиот избор е јасен и дека само СДСМ е опција која ќе го води напредокот на општеството.
„Вие највозрасните кои гледам ве има тука во голем број, а со кои деновиве често се среќавав и често ме прашувавте зошто не може покачување од 5000 денари за секој од вас, Ве потсетувам дека од 2017 година до денес најниската исплатена пензија ја покачивме за 5.309 денари, и овој месец најниската исплатена пензија изнесува 13 880 денари. Стабилната исплата на вашите пензии ќе биде доведена во прашање со лажните ветувања на ВМРО, кои слушам деновиве дека започнаа да го раситнуваат лажното покачување на пензиите на месеци, на години и на нови методологии. Знаат и тие дека на лагата и се кратки нозете! Знаат дека 5000 линеарно е невозможно. Но дека е добро за да манипулираат со највозрасните“ рече Тренчевска.
Таа истакна дека во новиот мандат СДСМ се обврзува минималната пензија да ја покачи на 20.000 денари додека просечната пензија ќе ја покачи на 30.000 денари.
„Да продолжиме да градиме мостови посилни од ѕидовите и омразата кои ни ги наметнува ДПМНЕ“ истакна Тренчевска во нејзината покана за граѓаните за да излезат на гласање на 8ми мај.