Македонија
Локализирани неколку пожари во државата

Регионалниот ЦУК Скопје ја пренесува информацијата дека од 14 до 18.20 часот со 8 пожарникари и три ПП-возила, како и екипа од ЈП „Национални шуми“, подружница за град Скопје „Караџица“, гаснеле запалена нискостеблеста шума и ниска вегетација на површина од 5 хa на автопатот Велес – Скопје, кај Катланово (општина Петровец).
Во текот на изминатото деноноќие имало уште четири интервенции поради запалена ниска вегетација, и тоа кај Катланово и кај Перова Колиба во Катланово (Општина Петровец); на улицата Призренска (општина Бутел); и кај Визбегово (општина Шуто Оризари). Вкупно опожарени се речиси 17.000 м2. Исто така, имало и уште три помали интервенции.
Во периодот од 8 до 8.28 часот, двајца пожарникари и едно ПП-возило интервенирале на запалена ниска вегетација во населбата Бончејца во близина на железничката пруга. Во периодот од 12.13 до 13.20 часот тројца пожарникари и едно ПП-возило интервенирале на запалена сува трева над Ленишки мост, а опожарената површина е околу 5 ха.
ТППЕ Битола известува дека во периодот од 3.45 до 7 часот со тројца пожарникари и едно ПП-возило интервенирале на запалено стрениште и напуштен објект во с. Бач.
Во текот на изминатото деноноќие имало уште една помала интервенција.
Регионалниот ЦУК Велес известува дека ТППЕ Свети Николе, од 17.44 до 19 часот гаснеле запалено стрниште и ниска вегетација кај браната „Мавровица“. Интервенирале со шест пожарникари и две ПП-возила, како и двајца вработени во ЈП „Национални шуми“, подружница „Свети Николе“, со теренско возило со пумпа за гаснење.
Регионалниот ЦУК Охрид ја пренесува информацијата од ТППЕ Струга, во која се наведува дека во периодот од 4.21 до 6.44 часот интервенирале на пожар на дрвени бараки на улицата Боро Хаџиески во Струга.
Регионалниот ЦУК Штип известува дека ТППЕ Пробиштип, од 19.10 до 19.30 часот, со четворица пожарникари и едно ПП-возило гаснеле запалено стрниште во атарот на с. Ратавица.
Регионалниот ЦУК Куманово ја пренесува информацијата од ТППЕ Куманово, во која се наведува дека во периодот од 13.15 до 15.20 часот, со четворица пожарникари и едно ПП-возило, и Старо Нагоричане со едно ПП-возило и тројца пожарникари гаснеле запалено ниска вегетација и стрниште и еден помошен објект (плевна), а во с. Јачинце е опожарена површина 6 ха.
Во периодот од 18.50 до 20.40 часот, а потоа повторно во периодот од 19.40 до 20.40 часот, со едно ПП-возило и тројца пожарникари гаснеле запалена ниска вегетација и грмушки кај Спомен-костурница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.