Македонија
Чулев: Холандскиот амбасадор како меур од сапуница го разби имагинарниот проевропски фронт на ДУИ и СДС

Според Наќе Чулев од ВМРО-ДПМНЕ, холандскиот амбасадор дал прецизна слика за владеењето на ДУИ и СДС.
„Или овие двајца коментираат друга меѓународна средба на која бил Ахмети или, пак, Османи и Груби се принудени да даваат коментар во градење позитивна перцепција на таа средба“, истакна Наќе Чулев од ВМРО-ДПМНЕ одговарајќи на новинарско прашање на денешната прес-конференција.
„Меѓутоа, јас би потенцирал она што е најбитно дека холандскиот амбасадор и другите претставници на дипломатски конзуларни претставништа во Македонија во континуитет даваат хируршки прецизна и објективна слика за владеењето на ДУИ и СДС и на тој начин како меур од сапуница го разбиваат имагинарниот проевропски фронт на владејачката коалиција. Тоа е дека овие две партии практично не се залагаат за проевропски вредности и перспектива на државата, туку дека се за класична криминална организирана банда, која е метастазирана во сите сфери на општеството“, заклучи Чулев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.