Македонија
Шекеринска: Постигнавме многу, Северна Македонија седна на заслуженото столче на масата на НАТО
Поканата за членство во алијансата, потпишаниот пристапен протокол, договорите со Бугарија и Грција, голем број одликувања и награди доделени на воениот и државниот врв и многу други експонати се дел од музејската изложба „70 години НАТО и Република Северна Македонија, 30-та членка на алијансата“, која беше отворена денеска во Воениот музеј.
На изложбата, која се организира по повод 4. Април – Денот на НАТО, беше промовирана и јубилејната поштенска марка посветена на 70-годишнината на алијансата. Издавањето на поштенската марка ја следи традицијата на издавање на првите поштенски марки на НАТО во 1952 година од страна на Соединетите Американски Држави и Португалија.
„НАТО е најмоќниот воено-политички сојуз на денешницата и на Денот на НАТО добро е да се потсетиме на моторот на оваа организација, а тоа е колективната одбрана и безбедноста, но можеби уште поважно, на духот и вредностите што се вградени во темелите на евро-атлантскиот сојуз, а, тоа се индивидуалните слободи, демократијата, човековите права и владеењето на правото“, рече министерката за одбрана, Радмила Шекеринска, на отворањето на изложбата.
Министерката додаде досега Денот на НАТО го одбележувавме не само затоа што веруваме во вредностите на алијансата туку и затоа што имавме јасна цел да бидеме нејзин дел. Порача дека оваа година овој ден е и ден на нашата земја, нашите граѓани.
„Денеска е подобро. Денеска е поинаку. Денеска овој ден е и наш ден како земја поканета да стане членка на НАТО. Денеска се гордееме затоа што и нашата татковина седи на масата на алијансата заедно со сите сојузници, а очекуваме набргу да има можност и да носи одлуки што ќе влијаат на глобалната сигурност, глобалната безбедност и мирот во светот“, истакна Шекеринска.
Во контекст на членството во НАТО, министерката истакна дека на овој ден најголемата честитка стигна од Полска и од Словачка, чии парламенти го ратификуваа протоколот за членство на нашата земја во алијансата.
„Го одбележуваме 4 Април верувајќи во уште помирно, побезбедно, поперсперитетно утре за сите нас. Гледајќи низ историјата, преку сите поставки на оваа музејска изложба, се потсетуваме каде бевме, но и што сè постигнавме заедно со многу труд, со многу работа, со многу одрекувања и честопати болни компромиси. Следниот 4 Април, на ова место, немам дилеми дека заедно со овие важни документи ќе стои и последниот печат, а тоа ќе биде документот со кој ние ќе се потврдиме како 30-та членка на најмоќниот воено-политички сојуз“, заклучи министерката Шекеринска.
По отворањето на музејската изложба, во организација на Министерството за одбрана и Фондацијата „Фридрих Еберт – канцеларија Скопје“ (ФЕС) се одржа панел-дискусија на тема „70 години НАТО – успех што се должи на спремноста за промени“.
Началникот на Генералштабот на Армијата, генералот Васко Ѓурчиновски, на панел-дискусијата истакна дека му претставува чест да се биде на врвот на воената хиерархија и да се раководат процесите за имплементирање на стандардите за полноправно членство во НАТО.
„Ги споделуваме вредностите, принципите, но и одговорностите од членството во алијансата“, рече Ѓурчиновски.
На панел-дискусијата учествуваа и генералот Стјуард Скејтс, заменик-командант на НАТО – Командата во Брунсум, пензионираните генерали Илија Николовски и Мирослав Стојановски, полковникот Зоран Јанковиќ, шеф на НАТО- канцеларијата за врски во Скопје, директорката на ФЕС, Ева Елерајт, и професорката Лидија Георгиева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.