Македонија
Ѓорче Петров донираше за социјално загрозеното семејство од Долно Лисиче, од општина Аеродром ниту трага, ниту глас

Трајче Конески и Моника Антевска од Долно Лисиче заедно со своите две деца, 9 годишниот Бојан и 2 годишната Бојана и понатаму секојдневно водат борба да преживеат. По сторијата која ја објави „Макфакс“ освен граѓаните и општината Ѓорче Петров, ниту една од државните институции не се најде да му излезе во пресрет на ова социјално загрозено семејство. Трајче Конески се обратил до општината Аеродром каде и припаѓа населбата Долно Лисиче, но оттаму добил само празни ветувања.
„Неколку пати се обратив во општината Аеродром за помош. Ми велеа дека ќе дојдат да не посетат, но се уште ги нема. Последниот пат кога се јавив ми спуштија слушалка“, вели Конески.
Додека од општината Аеродром одбиваат да помогнат, денеска во руинираната куќа на ова семејство се појавија службеници од општината Ѓорче Петров кои во име на општината донираа храна, средства за лична хигиени и останати намирници.
„Хуманоста не познава гранници. Општина Ѓорче Петров се приклучи кон повикот на вашата редакција да му помогнеме на семејствето Анетвски и Коневски од Долно Лисиче. Во рамки на своите можности, локалната самоуправа донираше храна, пијалоци, средства за лична хигена и оддржување. Хуманитарниот пакет се состоеше од мелко, млечни производи , месни производи, основни намирници за исхрана (брашно, шеќер, сол) свежо овошје и зеленчук, конзервирана храна и храна која има подолг рок на траење. Во делот на хигената дониравме средства за одржување на личната хигена како и средства за одржување на кујната и тоалтетот“, вели Емилија Блажевска од општината Ѓорче Петров.
На 38-годишниот Трајче пред 6 години му се дијагностицирани дископатија и дискусхернија, но принуден е да работи 14 часа на ден за да донесе парче леб за своето семејство. Конески работи во градежна фирма каде што зема минимална плата од 12 илјади од кои 7 веднаш му ги одземаат извршителите и банките, па така ова четиричлено семејство се бори за живот со 5 илјади денари месечно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вкусна трпеза и музика во 18 часот во Паркот на Франкофонијата во Скопје

Градоначалникот Горан Герасимовски ги поканува скопјани денеска во 18.00 часот на добра традиционална македонска и европска трпеза во Паркот на Франкофонијата. Герасимовски вели дека културно-гастрономскиот настан „Нож и виљушка на европска чинија“ e можност за дружење, културна размена и зајакнување на заедништвото.
„Денеска, со почеток во 18.00 часот повторно го организираме настанот ‘Нож и виљушка на европска чинија’, кадешто ќе дегустираме вкусна храна и ќе слушаме добра музика од диџеј Зоки Бејбе и Наде Талевска бенд. Центар поврзува – преку храна и музика. Ве чекаме во Паркот на Франкофонија да го прославиме богатството на различности со убава трпеза и пријатна атмосфера“, истакнува Герасимовски.
Гастрономскиот настан „Нож и виљушка на европска чинија“ е организиран од Општина Центар и истиот е отворен за сите граѓани.
Македонија
Објавен конкурсот за државната награда „Св Климент Охридски“ за 2025 година

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ за 2025 година.
Со оваа награда се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.
Конкурсот за државната награда ќе трае од 1 до 30 јуни 2025 година.
Македонија
ВМРО-ДПМНЕ: Почнува инвестициски циклус од 6 милијарди евра кој ќе донесе економски раст и развој на државата

Со потпишувањето на договорот со Велика Британија на Македонија ѝ се ставаат на располагање 6 милијарди евра за финансирање на капитални проекти во повеќе стратешки сектори, велат од ВМРО-ДПМНЕ преку соопштение.
„Ова е најголема економска рамка од 6 милијарди со која ќе започне инвестициски циклус во Македонија.
Владата предводена од ВМРО-ДПМНЕ има конкретен план, визија и решенија за заштита на животната средина. Конкретен план за Чебрен и Галиште. Изградбата на хидроцентралите Чебрен и Галиште се стратешки проект кој ќе се реализира со инвестиција од 1,3 милијарди.
Градежната офанзива којашто е во тек ќе продолжи и со инвестиции во железничкиот сообраќај и изградба на брза пруга. Ќе се реализира многу важен проект од железничкиот сообраќај, артерија на Коридорот 10.
Со инвестиција од околу 2 милијарди евра ќе се гради брза пруга Табановце-Гевгелија. Постоечката пруга ќе се реконструира, и ќе се направи уште една паралелна пруга
Во делот на здравството, конечно завршување на болницата во Кичево и реконструкција на клиничката болница во Тетово.
Во делот на образованието, во првиот бран, веќе има два проекти, тоа е изградба на нов медицински факултет во Штип и вториот проект е изградба на студентски дом во поддршка на факултетот со најмалку 200 легла.
Ќе започнат и нови проекти од енергетиката, транспортот, медицината, здравството и дигитализацијата. Сето ова подразбира отворање на нови работни места, развој, напредок, многу нови инфраструктурни проекти со цел подобрување на животниот стандард на граѓаните“, се вели во соопштението на партијата.