Македонија
Јас немам комплекс со што доаѓам на работа, дали со „мерцедес“ или приватно ќе си одам дома, рече Џафери

„Иронијата за ‘мерцедесот’ верувам дека не е во служба на никого, јас немам комплекс со што доаѓам на работа, дали со ‘мерцедес’ или приватно ќе си одам дома, рече претседателот на преодната Влада, Талат Џафери. Џафери со песна беше дочекан во Форино истиот ден кога ја презеде функцијата технички премиер. Беше пречекан пред капијата на својот дом во вечерните часови, а тој пристигна во придружба на полиција во „мерцедес“.
Без оглед колку ќе трае оваа влада, Џафери уверува и дека во ниеден миг нема да отсуствуваат редовното функционирање и инклузивна соработка во работата на Владата обезбедувајќи секој сегмент во министерствата да биде транспарентен, ефикасен, отчетен и во служба на граѓаните.
„Ние сме сите таму благодарение на вас, штитење на вашите интереси и создавање услови за вашата благосостојба, напредокот и чување на достоинството на Северна Македонија“, додаде Џафери
Џафери посочи и дека Владата има компетенции и одговорности со Уставот и со законот.
„Нашиот ангажман како Влада и мојот личен е да се реализираат сите уставни процедури за сите индивидуи“, истакна Џафери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Словенечки пожарникари пристигнаа за помош во гасење на шумските пожари во Македонија

Повеќе од 60 пожарникари од Словенија со 18 возила утрово пристигнаа преку граничниот премин „Табановце“.
Тие се приклучија на македонските и чешките тимови во борбата против шумските пожари кои беснеат низ земјава.
Според последните информации на Центарот за управување со кризи (ЦУК), во изминатото деноноќие биле регистрирани вкупно 28 пожари на отворен простор, од кои три сè уште се активни, пет се ставени под контрола, а дваесет се целосно изгаснати.
Активните пожари се лоцирани во планинските предели кај Нивичино, како и на потегот помеѓу неколку села во Прилепско и Кавадаречко. Во Прилепско, интервенцијата е отежната поради детонации во близина на пожарот, поради што на тој дел не се интервенира, соопшти утрово ЦУК.
Македонија
Пожарот во Прилепско отежнат поради детонации – сè уште активни три пожари во земјава

На територијата на Република Северна Македонија во изминатото деноноќие биле регистрирани вкупно 28 пожари на отворен простор, од кои три сè уште се активни, пет се ставени под контрола, а дваесет се целосно изгаснати.
Активните пожари се лоцирани во планинските предели кај Нивичино, како и на потегот помеѓу неколку села во Прилепско и Кавадаречко. Во Прилепско, интервенцијата е отежната поради детонации во близина на пожарот, поради што на тој дел не се интервенира, соопшти ЦУК.
Под контрола се пожари во општините Македонски Брод, Штип, Карбинци и Македонска Каменица, каде е зафатена претежно мешана или нискостеблеста шума, како и деградирани површини со ниска вегетација.
Пожарникарските екипи и понатаму се ангажирани на терен, а властите апелираат на внимателност и одговорно однесување, особено во подрачја каде постои зголемен ризик од нови пожари.
Македонија
Управител и фирма обвинети за неправилности во производството на медицински канабис

Полицијата поднесе кривична пријава против управителот Д.К.(30) од Скопје и фирмата.
Пријавениот, како одговорно лице, по добивање на решението лани за одгледување на канабис за медицински цели, постапил спротино на одредбите од Законот за контрола на опојни дроги и психотропни супстанци. Од МВР велат дека тој не се придржувал кон елаборатот за производство на канабис за медицински цели, што било констатирано при извршена контрола од страна на полициски службеници од МВР во содејство со Комисијата за оценување на исполнетоста на условите по однос на простор, опрема и кадар за одгледување на медицински канабис.
Притоа биле одземени 1.260 грама марихуана, како и исушено искршено стебло и поголем број на исушени и скршени гранчиња од растението канабис.