Македонија
Тужителите не се откажуваат од случајот против Топилницата
Тужителите засега нема да ја повлечат тужбата против државата по тридецениското загадување предизвикано од велешката Топилница.
Тужителите засега нема да ја повлечат тужбата против државата по тридецениското загадување предизвикано од велешката Топилница.
Судот на последното рочиште ги отфрли резултатите од досегашните вештачења и донесе одлука домашни стручњаци одново да направат вештачење.
Тужителите се свесни дека новото испитување на загаденоста со себе повлекува и дополнителни материјални трошоци, но велат дека нема да отстапат од тужбата.
„Единствено нешто што останува е да се договориме сите тужители како понатаму би постапувале доколку навистина се наметнат материјални трошоци. Во однос на прецизирањето на тужбеното барање, во однос на конкретното загадување кое би се утврдило сето тоа треба да биде преку институции кои ќе ги ангажира судот. Сите тие вештачења ќе чинат пари“, рече Горан Петров, претседател на одборот за спас на Велес од Топилницата.
Од тужбата против државата не отстапуваат ниту членовите на Зелената коалиција. Тие велат дека и понатаму ќе се борат дасе заштитат граѓаните на Велес од евентуалното рестартирање на Топилницата. За материјалните трошоци кои ги наметнува новото вештачење помош ќе бараат од советот на општина Велес и од а други институции.
„Ја имаме моќта да лобираме, ја имаме моќта на пријателствата и моќта на поддржувачите на зелената коалиција. Ќе апелираме до советот на општина Велес одреден дел финансиски средства од буџетот да отстапи на име на докажување на загадувањето.
Планираме во иднина и донаторска конференција и три големи сериозни донатори фондации кои веќе се одважија да му помогнат на Велес“ изјавија тужителите.
Велешкиот суд на последното рочиште на судскиот спор меѓу општината и државата, донесе одлука да се утврдат мерите и границите на парцелите, да се утврди сопственоста и да се измери колкава е загаденоста на истите. И сето тоа да го направат овластени домашни институции. /крај/ ди
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.