Македонија
Црвенковски – Промената на Уставот носи ризик
Најавената лидерска средба за промена на Уставот во делот на Судскиот Совет не е иницирана од премиерот Никола Груевски туку тоа е предлог на меѓународната заедница
Најавената лидерска средба за промена на Уставот во делот на Судскиот Совет не е иницирана од премиерот Никола Груевски туку тоа е предлог на меѓународната заедница.
Ова денеска го изјави лидерот на опозициската партија СДСМ, Бранко Црвенковски, при посетата на Кочани.
Црвенковски рече дека ќе присуствува на таква средба ако биде организирана и предупреди дека секое менување на Уставот носи свој ризик, и според него, ќе се појават уште многу барања во многу други делови на Уставот и без добра подготовка целата постапка може да биде контрапродуктивна.
Тој смета дека со тоа што Владата најавува иницијативи да промени нешто во судството таа признава на некој начин дека состојбата со македонското судство е катастрофална.
Лидерот на СДСМ Бранко Црвенковски денеска во Кочани, при посетата на текстилна фабрика, рече дека во последните петнаесет месеци над 10 илјади текстилни работници ги изгубија своите работни места, односно останаа на улица.
„Во овие 4 години околу 100-тина милиони евра се потрошија за разни пропаганди, кампањи, спотови, огласи во земјата и надвор од неа. И за тоа пари имаше. И на крајот, Владата промовира и веќе почна да реализира проект „Скопје 2014“ што ќе чини 200 милиони евра. И за тоа пари има. Значи, пари има. Проблемот е само што со нив се постапува неодговорно, недомаќински, без основно или елементарно чувство кон проблемите на сопствените граѓани“, рече Црвенковски. /крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.