Македонија
МВР за вчерашниот инцидент на плоштадот Македонија
![](https://makfax.com.mk/wp-content/uploads/2016/11/6cfa4732-7d44-407a-83a6-0faa8dfda09d-1.jpeg)
Полицијата утврдила дека член на навивачката група Комити бил присутен на плоштадот за време на вчерашниот инцидентот на Плоштадот Македонија, каде поголема група фрлала бетонски коцки и метални шипки, при што е повредено едно дете
Полицијата утврдила дека член на навивачката група Комити бил присутен на плоштадот за време на вчерашниот инцидентот на Плоштадот Македонија, каде поголема група фрлала бетонски коцки и метални шипки, при што е повредено едно дете.
Министерството за внатрешни работи (МВР) денеска соопшти, дека против него ќе биде поднесена соодветна пријава, а во тек се проверки и повикувања и на други лица за кои постои сомнение дека учествувале во инцидентот.
Според информации на МВР вчера околу 16.30 часот 20 до 30 непознати машки лица на возраст од околу 16 до 18 години облечени со црни јакни, капи и шалови на главата, кои дошле од правец на ЕСМ кон Сити галери и плоштадот, фрлале тврди предмети (бетонски коцки и метални шипки) кон лизгалиштето.
Во инцидентот било повредено единаесет годишно дете, кое минувало на плоштадот и му била нанесена лесна телесна повреда – расекотина на главата.
Групата, според кажувањето на очевидци, по кратко време избегала со трчање кон ГТЦ, а потоа и кон паркот Жена парк.
Во расчистување на инцидентот се вклучи и Секторот за внатрешна контрола и професионални стандарди кој ќе ја испитува евентуалната одговорност на службените лица задолжени за обезбедувањето на натпреварот. Веќе се утврдува дали од нивна страна биле преземени сите неопходни мерки пред, за време на одигрувањето, но и по завршувањето на фудбалскиот натпревар, како и соодветното ангажирање на полициски службеници на градскиот плоштад.
До надлежните Полициски станици, се уште не е пристигната ниедна пријава од граѓаните кои веројатно биле цел на нападот.
Заради побрзо и поефикасно расчистување на инцидентот, МВР апелира оштетените да дојдат и да пријават, а истото да го сторат и останатите очевидци доколку поседуваат какви било сознанија кои би можеле да и користат на полицијата./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.