Македонија
Приведените, за убиството кај Универзална, се бранат со молчење
Приведените за вчерашното убиство кај Универзална сала во информативниот разговор со полицијата одлучиле да се бранат со молчење.
Приведените за вчерашното убиство кај Универзална сала во информативниот разговор со полицијата одлучиле да се бранат со молчење.
Попладнево двајцата приведени дваесет и тригодишниот Јасмин Лесковица и четириесет и петгодишниот Харун Хаџибулиќ ќе бидат изведени пред истражен судија.
Полицијата се уште официјално не ги соопштува мотивите за убиството. Засега само информираат дека претходната расправија и нетрпеливоста меѓу двете групи можно е да кулминирале со убиство.
Неофицијално, двете групи се скарале за отворање на стриптиз бар.
Осомничените и се добро познати на полицијата. Последната пријава против нив била поднесена пред шест дена.
„Последната пријава е поднесена пред шест дена, поради сомнение дека сториле кривично дело, изнуда во обид кога со закани од бизнисмен барале исплата на наводен долг“ изјави Љупчо Тодоровски, директор на Бирото за јавна безбедност.
Јасмин Лесковица кој е осомничен дека наводно пукал, претходно е пријавуван за насилство и спречување на избори и гласање, додека второосмничениот Харун Хаџибулиќ во 2005 е пријавен за убиство.
„Второсомничениот добил во 2003 и 2006 пријави за насилство и две пријави за недозволено држење и тргување со оружје. Додека од судот во 2002 година е осуден за задолжително двегодишно психијатриско лекување“ додаде Тодоровски.
На местото на вчерашното пукање, во објект во изградба пронајден е пиштол марка „Застава“од кој се претпоставува дека било пукано и истиот е одземен и предаден на вештачење.
Полицијата не исклучува ниту инволвираност на осомничените во петочниот инцидент во трговскиот центар „Треска“ кога со нож беше избодено едно лице.
Убиството се случи вчера пред кафулето Карма, кај Универзална сала околу 16:40 часот. Расправијата започнала во влезот од една од зградите во изградба.
Двајцата напаѓачи насилно ги внеле тројцата оштетени и почнале најпрви вербална расправија.
Почнале да го удираат триесет и шестгодишниот Кенан Кучевиќ со тупаници и клоци пред неговиот дваесетиедногодишен внук и триесет и четири годишниот пријател Мирсад Криешторац.
Во еден момент еден од осомничените извадил пиштол и почнал да пука во Мирсад Криешторац. Му нанел тешки повреди во стомакот, надлактицата и надколеницата.
Двајцата осомничени се обиделе да избегаат со возило „шкода октавија“, по што беа уапсени од алфите. Криешторац по кратко време им подлегна на повредите во Ургентниот центар, додека Кучевиќ заврши само со полесни повреди. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.