Весна Бендевска од СДСМ на денешната собраниска седница за пратенички прашања обвини дека генералниот секретар на Владата на Република Македонија Кирил Божиновски прима две плати и дополнителни парични средства.

Весна Бендевска од СДСМ на денешната собраниска седница за пратенички прашања обвини дека генералниот секретар на Владата на Република Македонија Кирил Божиновски прима две плати и дополнителни парични средства.

„Кирил Божиновски откога е назначен за нов генерален секретар во Владата на Република Македонија работел како раководител на сектор на Кабинетот на премиерот за меѓународна соработка. Значи, cознанијата говорат дека истото лице примало плата во периодот од октомври 2006 до јули 2008 за полно работно време од Собранието на Република Македонија“, посочи Бендевска.

Таа побара јавниот обвинител Љупчо Шврговски да открие на кое работно место се водел Божиновски во Собранието кога се апсолвирало дека во Владата зазема раководно работно место.

„Јас сум пратеник од 2006 година и досега такво лице не ми е познато“, нагласи Бендевска.

Таа рече дека Божиновски е член на управен одбор на новоформираната државна лотарија, а истовремено и член на одборот за материјално финансиско работење на македонски железници.

„Што значи дека освен двете паралелни плати примал и други дополнителни средства по однос на членување во управни и надзорни одбори“, укажа пратеничката од СДСМ.

За ова прашање јавниот обвинител рече дека ќе биде одговорено во писмена форма, во законски предвидениот рок.

Секој последен четврток во месецот пратениците им поставуваат прашања на министрите, но овој пат пратеничките прашања беа во понеделник бидејќи премиерот Никола Груевски нема да биде во земјава во четврток и нема да може да присуствува на дебатата во законодавниот дом./крај/бд