ВМРО-ДПМНЕ најави дека денеска во Скопје ќе постави блокади пред Владата, пред Министерството за надворешни работи и пред Министерството за правда од 16 до 17 часот.

„Заедно со граѓаните ќе протестираме затоа што Заев ќе ја менува историјата во учебниците, за договарањето на заедничка историја со источниот сосед и тргувањето со историски личности. Заедно со граѓаните ќе му порачаме на квинслингот Заев дека доста е со распродавање и понижување на државата“, се наведува во соопштението на партијата.

Во него се додава дека пред почетокот на блокадата во 16 часот ќе биде положено цвеќе пред споменикот „Ослободители на Скопје“.

ВМРО-ДПМНЕ ги повикува граѓаните и на натпартиски протести во Куманово, Тетово, Крива Паланка, Македонска Каменица, Пробиштип, Свети Николе, Велес, Делчево, Кочани, Виница, Пехчево, Берово, Босилово, Неготино, Кавадарци, Кичево, Струга, Охрид, Ресен и Битола.

„Денес е денот кога треба да се порача дека дојде крај на тргувањето на идентитетот, јазикот, историјата од страна на Заев“, посочуваат од опозициската партија.

Холандската амбасада попладнево ја демантира и ја оценува како лажна вест информацијата дека Холандија го поддржала бугарското вето за Северна Македонија.

Претходно, бугарскиот весник „24 часа“, повикувајќи се на дипломатски извори во Брисел, јави дека Данска и Холандија се двете земји кои се приклучиле кон ветото. Весникот потсети дека пратеникот на ВМРО-ДПМНЕ Антонио Милошоски, претходно напишал на „Фејсбук“ дека Бугарија има поддршка од уште најмалку две членки на Европската Унија.

Според сите статистики, Северна Македонија е земја со најголем број на смртни случаи од Ковид-19 во регионот, и покрај бројните проблеми, многу семејства се должни да издвојат значајни средства за погребите на нивните најблиски од оваа болест, соопшти Алијансата за Албанците.

„Според информациите што ги имаме од граѓаните, разни погребални компании ја злоупотребиле ситуацијава и за нивните услуги барале од 12.000 до 35.000 денари, цена која е висока за специјална ПВЦ-пластична торба, каде што е завиткано телото на починатиот, како и лимен ковчег, врз основа на еден протокол, кој според Државниот санитарен и здравствен инспекторат НЕ ПОСТОИ.

– Зошто Министерството за здравство девет месеци дозволил вакво нешто, кога знаел дека не постои таков протокол и дозволил кражба на граѓаните?
– Во која жиро-сметка се исплатени средствата од страна на граѓаните, за ПВЦ-торбите и ковчегот со телата на починатите од Ковид-19?
– Кои се компаниите кои се договорени од страна на Министерство за здравство за кражбата на граѓаните?
Затоа бараме:
– Итно да се прекине со злоупотреба и класична кражба на граѓаните од страна на Владата и истата да подготви протокол за погребување на мртвите од Ковид-19.
– Семејствата кои се оштетени, повеќето социјални случаи, веднаш да се компензираат, и да им се враќаат украдените средства.
– Бараме одговорност и отчет од страна на мМинистерот Филипче, за оваа СКАНДАЛОЗНА ИЗМАМА, каде директно се допира во џебот и се крадат граѓаните“, се вели во реакцијата на партијата.