Македонија
Ромите бараат извинување од премиерот Груевски

Соодветни политички методи со кои што нема да се превземат легални мерки против граѓаните, кои беа дел од инцидентот и сопствениците на конфискуваната стока, побараа Ромските граѓани кој денеска протестираа пред Владата и ЕУ Инфоцентарот.
Соодветни политички методи со кои што нема да се превземат легални мерки против граѓаните, кои беа дел од инцидентот и сопствениците на конфискуваната стока, побараа Ромските граѓани кој денеска протестираа пред Владата и ЕУ Инфоцентарот.
Покрај тоа тие побараа премиерот Никола Груевски, да им се извини на граѓаните на Шуто Оризари, за несоодветните превземени мерки.
Ениса Еминовска од организациониот одбор на протестот истакна дека позади овој протест не застана ниту една политичка партија, туку студентите и граѓаните на Шуто Оризари.
„Ние сме револтирани не само од сите тие потези, најмногу од несоодветните мерки на Владата. Ние не поканивме никого од тие политички претставници да дојдат на овој протест, меѓутоа кажавме доколку дојдат да се приклучат како граѓани а не како политичари, затоа што овој протест не е нивен“ рече Еминовска.
Според неа Шуто Оризари како единствена ромска општина и создаде имиџ на Македонија како демократска земја посебно во контекст на Ромите.
„После ваквите случувања нашиот револт и бунт се состои во многу конкретни барања. Владата треба да почне да работи на сите оние 73 отсто невработени, 63 отсто сиромашни и 40 отсто неписмена младина“ додаде Еминовска.
Освен протестите, Ромските граѓани ќе испратат писма до претставниците на Владата и Европската Унија во Македонија во кои се наведени нивните барања./крај/ир/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Го онесвестиле удирајќи го со клешти оти се сомневале дека им краде лубеници

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека заедно во група извршиле кривично дело – Насилство предвидено во член 386 став 6 во врска со став 3 и став 1 од Кривичниот законик.
Осомничените, на возраст од 39 и 31 година, на 24 јули во скопското село Орешани извршиле грубо насилство и ја загрозиле сигурноста на едно лице, за кое сметале дека украл лубеници од нивата на првоосомничениот.
Со товарно возило го следеле оштетениот додека тој со автомобилот се движел од Петровец кон селото Таор, се додека не се паркирал во дворот на куќата на неговиот внук во Орешани, се наведува во соопштението од Обвинителството.
Осомничените пристигнале веднаш по него, излегле од возилото и го нападнале. Насилно го извлекле оштетениот од возилото и го удирале со тупаници и шамари по главата и телото. Вториот осомничен извадил водоводџиски клешти од камионот, па и со нив го удирале се додека оштетениот не паднал во безсознание. Му нанеле тешки телесни повреди поради кои тој во живото- загрозувачка состојба е хоспитализиран на Клиниката за неврохирургија. Со дејствијата на насилство, кај сведокот – внукот на оштетениот и во јавноста предизвикале чувство на несигурност, загрозување и страв.
Ценејќи ги сите околности и ризици, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени.
Македонија
Царинските тимови со засилени патролни контроли на пловните објекти во водите на Охридското Езеро

Мобилни царински тимови спроведуваат засилени патролни контроли на пловните објекти во водите на Охридското Езеро, соопштија од Царинската управа.
-Ги следиме сите сомнителни активности и каде што постои сомневање вршиме контрола се со цел навремена детекција и спречување на секој обид за криминал, изјавил помошник директорот за контрола и истраги Влатко Лакордов.
Со зголемената контрола на пловните објекти, се додава во соопштението, целиме кон спречување обиди за криумчарење и обезбедување ефикасна и реална наплата на увозни давачки.
Македонија
Апасиев со тужба против Собранието и Гаши

Димитар Апасиев, пратеник и претседател на Постојаната анкетна комисија за заштита на слободите и правата на граѓанинот, вчера поднел тужба до Управниот суд против Собранието и претседателот на парламентот, Африм Гаши.
Повод за оваа тужба, како што се наведува во информацијата од Левица, е неделовничко и противзаконско поништување на уредно закажаната Надзорна расправа за трагедијата во Кочани, која требаше да се одржи на 8 јули годинава.