Македонија
Заменик министерот за земјоделство во посета на битолскиот регион
Заменик министерот за земјоделство, шумарство и водостопанство Перица Иваноски, денеска беше во работна посета на битолскиот производствен регион и оствари средба со повеќе земјоделски производители.
Заменик министерот за земјоделство, шумарство и водостопанство Перица Иваноски, денеска беше во работна посета на битолскиот производствен регион и оствари средба со повеќе земјоделски производители.Ивановски разговараше за состојбата со есенските култури и реализацијата на пролетната сеидба.
Земјоделските производители од Пелагонија, го информираа заменик министерот дека генерално нема проблеми со производството и пласманот на пченка. Сеидбата на оваа култура во битолскиот регион се врши во рамки на предвидените сеидбени рокови и се реализира без никакви проблеми на теренот.
„Во земјава ќе бидат опфатени околу 29 илјади хектари, од кои дури 13 илјади хектари во пелагонискиот регион.“, соопштуваат од министерството за земјоделство.
Иваноски оствари средба и со раководните лица на Земјоделскиот комбинат ,,Пелагонија,, кои го информираа дека состојбата со есенските поледелски култури е одлична, односно дека моменталните климатски услови се исклучително поволни за маслодајната репка и за пченицата, која во овој регион е застапена на најголеми производствени површини.
„Заменик министерот Иваноски посети и дел од површините кои неодамна настрадаа од дождовите. Земјоделците го информираа заменик министерот дека водата полека се повлекува и дека тие започнале со подготовка на површините за претстојното земјоделско производство.“ стои во соопштението од министерството.
Запрашан дали постои опасност од млечна криза, Ивановски одговори дека млечна криза нема, односно дека се очекува стабилизирање на понудата и побарувачката на млеко./крај/со/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Македонија
(Видео) Ковачки: Со над 800 милиони евра владата од ВМРО-ДПМНЕ ќе ги решава проблемите на земјоделците
„Благодарност за поканата на нашиот градоначалник Виктор Паунов, тука сме заедно и со кандидатот за пратеник Гордана Барбашка. Како што нашиот градоначалник работи и покрај опструкциите од централната власт, гледате дека се развива и се гради. Во иднина ние планираме да дадеме 250 милиони евра за сите општини во Република Македонија без разлика кој е на власт. Само во Карбинци ќе доделиме 1,8 милиони евра за сообраќајна и комунална инфраструктура, значи дополнително општините ќе се градат и дополнително ќе се развиваат“, рече Драган Ковачки, член на ИК на ВМРО-ДПМНЕ и носител на Изборна единица 3.
„Како што работи нашиот градоначалник во Карбинци, така ќе работиме и ние на централно ниво. Дополнително за жителите од овој крај предвидуваме над 800 милиони евра во 4 годишен мандат за земјоделците што значи реконструкција на сите водоводни канали, да го решиме проблемот со водоснабдувањето, да го решиме проблемот со загарантираниот откуп, и да го решиме проблемот со загарантираната цена. Значи ќе отвораме и нови откупни центри.
Земјоделците од овој крај заслужуваат внимание, заслужуваат да си ја работат земјата тие, а не земјата да ја поседуваат феудалци како Љупчо Николовски и сличните на него.
Македонија е одлучна за промени, Македонија сака да биде горда, и Македонија заслужува да биде повторно твоја.
Затоа ги повикувам сите граѓани на 8 мај масовно да ни се приклучат да излеземе заеднички, да ставиме крај на овие црнила и овие сивила кои ги донесоа СДС и ДУИ“, изјави Драган Ковачки, член на ИК на ВМРО-ДПМНЕ и носител на Изборна единица 3.