Коалицијата за заштита и промоција на сексуалните и здравствените права на маргинализираните заедници денеска во Паркот на Жената борец веднаш наспроти Собранието на Република Македонија, иронично им се заблагодари на „наградените“ за нивниот придонес во дискриминацијата.

Коалицијата за заштита и промоција на сексуалните и здравствените права на маргинализираните заедници денеска во Паркот на Жената борец веднаш наспроти Собранието на Република Македонија, иронично им се заблагодари на „наградените“ за нивниот придонес во дискриминацијата. „Благодарница за посебен придонес во развојот на геј порно естетиката му се доделува на Драган Павловик Латас; Пофалница за најнадежен студент во областа на правото на “еротската унија” му се доделува на Влатко Ѓорчев; Благодарница за посебен придонес во развојот на феминистичката мисла и движење во Македонија и се упатува на Косана Николиќ-Мазнева, и Благодарница за посебен придонес во враќањето на 19-вековните принципи во Психијатријата- за Доктор Јован Гинев, истакна Славчо Димитров од оваа Коалиција. На крајот на прес конференцијата беа пуштени 100 балони во боја на виножитото како симбол за славење на слободата, различностите и еднаквоста. Настанот е мотивиран од Интернационалниот ден против хомофобијата, 17 мај,  кој ги потсетува сите граѓани во светот дека постои огромна потреба за преземање на акција. Во над 80 земји во светот, хомосексуалните акти се се уште нелегални. Во одредени ситуации истите законски се казнуваат и со доживотен затвор. Во седум земји се уште се применува и смртната казна. Во земјите во кои хомосексуалноста не е нелегална, дискриминацијата и физичките напади се се уште чести појави. Во Македонија новодонесениот закон за спречување и заштита од дискриминација ја исклучи сексуалната ориентација како експлицитно вброен основ за забрана од дискриминација. Истиот закон во последниве неколку месеци беше искористен за интензивирање и зачестување на хомофобични искази и дискриминација./крај/ко