Околу сто штрајкувачи од Здружението на стечајци на ниво на Македонија УНИТ и денеска го изразија своето незадоволство пред Собранието, блокирајќи го сообраќајот во центарот на Скопје.

Околу сто штрајкувачи од  Здружението на стечајци на ниво на Македонија УНИТ и денеска го изразија своето незадоволство пред Собранието, блокирајќи го сообраќајот во центарот на Скопје.

Стечајците од Прилеп, Гостивар, Куманово, Свети Николе и од Скопје бараат на лицата кои имаат над 50 години, останале без работа и  имаат минимален работен стаж од 15 години, Владата да им обезбеди надоместок од 6.000 денари месечно.

„Денеска Маријанчо Николовски од СДСМ во Собранието ќе предложи закон за обезбедување и згрижување на поранешни работници на фирмите кои останале под стечај или биле ликвидирани, кои не земаат паричен надоместок од државата, изјави Претседателот на здружението на стечајци на ниво на Македонија, Лилјана Георгиевска.

Тие, како што велат, веќе неколку месеци наназад штрајкуваат со барање Владата да им обезбеди основна животна егзистенција.

Стечајците најавија дека ќе бидат до 14 часот ќе штрајкуваат пред Собранието, а потоа ќе се префрлат пред Владата каде ќе останат до 16.30 часот.

Штрајкувачите ги вознемирија возачите во градот, возилата сакаа да поминат низ групата стечајците но тие извикуваа „тука се бориме за парче леб”.

Минатата година стечајците штрајкуваа со глад, а од февруари оваа година интензивно доаѓаат еднаш недело на протести во Скопје, но нивните барања се уште не се прифатени. /крај/мт