Во решавање на проблемот со депонијата Вардариште треба да се вклучат сите институции, да им најде соодветен дом на луѓето кои живеат среде ѓубрето и просторот да се исчисти. Вака министерот за внатрешни работи, Панче Тошковски смета дека треба да се разреши проблемот оти Министерството не може во овој момент строго да го ограничи излезот и влезот на депонијата оти таа им е живеалиште на над 200 луѓе.

„За Вардариште, на жалост во рамки на онаа дива депонија која што ја имаме живеат некаде над 200 луѓе. Во депонијата, во среде депонија живеат над 200 луѓе. Замислете. Страшно е ова. Страшно е од секој аспект. Индициите се дека потпалувањата кои што ги имаме таму се сторени од дел од тие луѓе. Од мал дел од тие луѓе кои што живеат таму. Ние не можеме да го ограничиме правото на пристап до живеалиштето кое што го имаат. Ние не можеме да спречиме тие луѓе да влегуваат и да излегуваат од оној периметар кој што го имаме“, рече министерот тошковски.

И денес Тошковски потсети дека проблемот се таложел со години и нагласи дека не може да се реши преку ноќ, за една – две недели ниту пак месец- два оти бара поширок институционален пристап.

„Таму треба системско решение. На тие луѓе треба да им се најде место за живеење, соодветно. Тие луѓе треба да бидат дислоцирани од таму, тој простор треба соодветно да се исчисти. Оној отпад што ќе се подигне од таму да се однесе на друга соодветна локација за таков тип на отпад. Потоа да се даде во надлежност на оние кои треба, тоа не е надлежност на МВР. Овде треба еден поширок институционален пристап, темелен. На жалост тоа не можеме да го направиме за недела две, месец-два за трајно да го решиме не само проблемот со Вардариште туку со сите депонии. Но пак ќе повторам, првично таму живеат повеќе од 200 луѓе во рамки на таа депонија. Додека не се реши што ќе правиме со тие луѓе, каде да се дислоцираат тие луѓе, како да им се помогне на тие луѓе за пристоен дом, таму овој проблем што го имаме секогаш ќе се појавува“, вели министерот Тошковски.

Тој повика не само институциите туку и секој граѓанин да даде придонес за побезбедна Македонија и кажа дека во решавање на проблемот со палењето на депониите се вклучени не само сите капацитет на МВР туку и капацитетите на Агенцијата за национална безбедност  и максимално се инстензивирани набљудувачките системи кои ги имаат.

„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и Мециновиќ кои се претставуваат за скромни и чесни луѓе пред граѓаните, се само обични лицемери и луѓе кои свртеле милионски суми во своите џебови од сопствената партија“, вели Валентин Манасиевски, член на ЦК на ВМРО-ДПМНЕ.

„Лицемерието во Левица е огромно. Говорат дека се работничка партија и молат за донации, за потоа од истите луѓе кои им ги донираат овие средства, истите да си ги поделат 2-3 од врвот на Левица.

Но, тоа не на зачудува од вакво тип на лицемерни и дволични политичари, кои денес зборат и прават едно, утре друго.

Вакви луѓе кои немаат визија, немаат идеа, и немаат ниту едно решение за ниту еден проблем, туку знаат само да лажат и манипулираат во јавноста, се прочитани од народот. Апасиев, Мециновиќ и Левица се демаскирани“, изјави Валентин Манасиевски, член на ЦК на ВМРО-ДПМНЕ.

Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го врати значењето на оваа култна локација и ќе ѝ даде нова енергија на културната сцена во Скопје.

Проектот, кој беше преземен од Град Скопје, е задржан во делот на идејното архитектонско решение, а изработката е дело на проектантот Бујар Муча. Во конструктивниот дел беа направени измени врз основа на насоките од испитувањата што Министерството за култура и туризам ги побара како неопходност што произлезе од пожарот на објектот, извести Министерството за култура.

Она што е особено значајно во решението е дека ќе се задржи постојната форма за почитување на колективната меморија, Универзалната сала ќе располага со капацитет од 1.200 седишта, а ќе има и нова просторна акустика со современи техничко-технолошки системи, како: HVAC, сценска механика, ЛЕД-осветление, аудио-видео и електрични инсталации. Предвидени се и нови современи материјали и во ентериерот и во екстериерот, објектот ќе биде енергетски ефикасен, а е изработено и современо, атрактивно партерно и хортикултурно решение.

Очекувањата се до почетокот на октомври да завршат постапките за избор на изведувач и надзор по што ќе почне изградбата на Универзалната сала по системот клуч на рака. Планирано е изградбата да биде завршена до крајот на 2027 година, а од 2028 година Универзалната сала ќе биде подготвена да биде дел од програмата „Скопје – европска престолнина на културата 2028“. Инвестицијата е проценета на 20 милиони евра, соопшти Министерството за култура.

„Ова не е само објект – ова е инвестиција во културата, идентитетот и во иднината на Скопје. Универзалната сала ќе стане модерен симбол на културна размена, креативност и заедништво, достапна за сите граѓани. Со нејзината изградба создадовме предуслови Скопје да го зачува духот на својата културна традиција, но и да ја зајакне својата улога како европска престолнина на културата за 2028 година“, истакна министерот за култура и туризам, Зоран Љутков.