Преку исклучителна заедничка соработка, слободно движење и заложба за економска соработка денеска од Призрен претседателите на Македонија, Косово, Албанија и Црна Гора, упатија порака и волја до меѓународната заедница за напредок на регионот.

Преку исклучителна заедничка соработка, слободно движење и заложба за економска соработка денеска од Призрен претседателите на Македонија, Косово, Албанија и Црна Гора, упатија порака и волја до меѓународната заедница за напредок на регионот. Ѓорге Иванов, Фатмир Сејдиу, Бамир Топи и Филип Вујановиќ побараа искуството од слободното движење на граѓаните меѓу четирите земји да се примени и за шенген-зоната, односно албанските и косовските, заедно со македонските и црногорските граѓани да можат слободно да патуваат во европските земји, што според нив, ќе биде добра основа за економски развој и напредок во евроинтеграциите. „Нас не радува што нашите два соседи го имаат овој статус на слободно движење на граѓаните. Албанија е на прагот на добивањето на тој статус и забележав дека таа иста радост е присутна кај моите колеги. Нагласив дека прашањето на слободно движење на луѓето треба да се однесува и на граѓаните на Косово, односно да не бидат исклучени од тоа“, изјави албанскиот претседател Топи. „Наша обрска е во нашите земји да воспоставиме ред, да владее законот и правото над се и да се спречи се што се коси со тоа“, рече косовскиот претседател Сејдиу. Сејдиу од своите колеги доби охрабрување Приштина да започне директен дијалог со Белград, констатирајќи дека дијалогот носи доверба меѓу државите. „Сите проблеми и прашања во регионот мора да се решаваат со дијалог. Комуникацијата ја враќа довербата меѓу страните. Би се радувале кога на некоја под следните средби би ги виделе и српскиот и грчкиот претседател, Тадиќ и Папуљас“, изјави претседателот Иванов. „Имаме еден дијалог меѓу Македонија и Грција и сакаме што поскоро да заврши за да може Македонија што побрзо да влезе во НАТО и ЕУ“, рече црногорскиот претседател Вујановиќ, кој објасни дека дијалогот меѓу Приштина и Белград мора да поаѓа од реалноста дека 69 држави ја признаваат косовската независност, но и од реалноста дека 123 членки на Обединетите Нации не ја признаваат самостојноста на Косово. Македонскиот претседател рече дека покренал иницијатива следниот регионален самит на претседателите да се одржи во Македонија. Четворицата претседатели констатираа голем напредок во меѓусебните односи споредено со првиот регионален самит, што минатата година се одржа во Валона, Албанија. Денешниот самит се одржа во околината на Призрен, а беше проследена од бројни претставници на медиумите од регионот. /крај/ач