Македонија
Затвор за претседателот на една од коморите за обезбедување
Затвор од една година и десет месеци за Ангеле Јовановски, претседател на една од Коморите за обезбедување на лица и имот за измама и фалсификување на исправа, одлучи основниот суд 1.
Затвор од една година и десет месеци за Ангеле Јовановски, претседател на една од Коморите за обезбедување на лица и имот за измама и фалсификување на исправа, одлучи основниот суд 1.
Половина од членовите на испитната комисија добија шест месеци условно во наредните две години. На Јовановски во казната затвор ќе му бидат пресметани и десетте месеци поминати во куќен притвор.
„Ме ослободија од притвор за се друго за што не сме задоволни ќе поднесеме жалба. Едноставно сега имаме право на жалба, решението не ни е укинато, можеме да продолжиме да работиме. Ќе продолжиме да се жалиме да се укине сето ова и да добиеме ослободителна пресуда“ изјави осудениот Јовановски.
Според него цел овој судски процес против него најверојатно бил со цел да се фаворизира едната комора, а да се уништи другара комора за обезбедување.
„Најверојатно било, меѓутоа од кого и како сега не можам да знам и не можам да тврдам, едноставно во прашање е монополското работење“ додава Јовановски.
Меѓу членовите на испитната комисија, кои денеска основниот суд 1 ги осуди на условна казна е и претседателот на здружението „Достоинство“, Стојанче Ангелов и претседателот на Народното движење за Македонија, Јанко Бачев.
„Ова е само еден од многуте притисоци, ако ние бевме виновни немаше да не осудат шест месеци условно. Јас не се чувствувам како осуден, само ни го извалкаа името. Како сега јас треба да се правдам пред граѓаните дека не сум направил кривично дело, меѓутоа јас ќе им порачам на инспираторите на целиот овој процес дека нема да успеат во својата намера и дека нема на овој начин да ги намалат нашите активности. Сметам дека и судијката беше под голем притисок, мораше да донесе некаква пресуда“ изјави Ангелов.
„Можам да кажам дека се работи за класична конструкција на полициското подземје во оваа држава. Тука се условно осудени скоро половина од извршниот комитет на Народно движење на Македонија, само затоа што се пријавиле да засноваат работен однос со комората. Ја повикам судијката побрзо да ја донесе пресудата за да може да ја поделиме на сите студенти од правниот факултет, да го видат овој преседан, да видат дека во оваа држава се осудуваат луѓе само затоа што конкурирале во одредена институција. Во оваа конструкција се вмешани високи луѓе околу Груевски“ изјави Бачев.
Ангелов во неделата обвини дека МВР селективно поднело кривични пријави против испитувачите. Од вкупно 31 испитувач МВР поднеле кривични пријави против 15 лица, а против останатите 16 лица, кои според Ангелов сега вршат високи функции во МВР, нема покренато кривични пријави.
„Обвинителот наместо да го повлече обвинението против нас, најави дека ќе покрене обвинение и против останатите испитувачи, меѓутоа сметам дека со тоа само ни фрлаат песок во очи, за да добијат на време, да го заташкаат случајот“ вели Ангелов.
Јовановски се товареше дека неговата Комора за обезбедување била незаконска и не била регистрирана според законот за обезбедување на лица и имот, туку според законот за стопански комори. Според обвинителството, Јовановски три години издавал незаконски лиценци за обезбедување. Членовите на испитната комисија се товарат дека му помогнале во извршувањето на кривичното дело.
Двете комори за обезбедување на лица и имот долго време водеа борба, која од нив е легална. Во овој бизнис каде се вртат многу пари, легална е онаа комора која ќе ја признае Министерството за внатрешни работи. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.