Македонија
Комисијата утврдила дека никој од пратениците не бил кодош
Комисијата за верификација на фактите утврдила дека никој од 120 -те пратеници во Собранието не соработувал со тајните служби, потврдија од комисијата.
Комисијата за верификација на фактите утврдила дека никој од 120 -те пратеници во Собранието не соработувал со тајните служби, потврдија од комисијата.
„Врз база на документи добиени од Агенцијата за разузнавање, УБК, военото разузнавање, и државниот архив утврдивме дека сите 120 пратеници не соработувале со тајните служби“ изјави за Макфакс, Ѓорѓи Малковски од Комисијата за лустрација.
Комисијата според сите податоци и факти со кои располагала, утврдила дека не треба да се поведе постапка против никој од пратениците и ваквиот заклучок им го доставиле и на пратениците.
Уставниот судија на кого комисијата за верификација на фактите завчера му доставила заклучок дека неговата изјава дека не бил соработник на тајните служби не се поклопува со фактите кои што ги поседувала Комисијата, во понеделник во 11 часот јавно ќе се произнесе пред членовите на комисијата.
Седницата ќе биде јавна, освен тогаш кога ќе се презентираат сертифицирани податоци, кога седницата ќе биде затворена за јавност.
Поранешниот претседател на ВМРО – ДПМНЕ, Љупчо Георгиевски вчера го обвини премиерот Никола Груевски дека го кочи процесот на лустарција со заштита на пратеник од владејачкото мнозинство, за кој постоеле сомневања дека бил соработник на тајните служби.
Претходно Демократската партија на Албанците поднесе кривична пријава против членовите на комисијата за лустрација, под образложение дека го заштитуваат пратеникот на ДУИ, кој соработувал со тајните служби. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.
Македонија
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“.
Беше констатирано дека коалицијата оствари успешен и историски резултат, кој создава и одговорност за реализирање на очекувањата.
Мицкоски доби поддршка од претседателите на коалициските партии за почнување преговори за состав на идната влада.
Според заклучокот на состанокот, разговорите треба да се водат врз основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.