Премиерот Никола Груевски има најголем рејтинг во историјата на Македонија и треба тој рејтинг да го искористи за решавање на крупни политички прашања, а едно од нив е прашањето за спорот со името со Грција, што треба да ги отвори перспективите во НАТО и ЕУ.

Премиерот  Никола Груевски има најголем рејтинг во историјата на Македонија и треба тој рејтинг да го искористи за решавање на крупни  политички прашања, а едно од нив е прашањето за спорот со името со Грција, што треба да ги отвори перспективите во НАТО и ЕУ.

Ова денеска во интервју за Радио Слободна Европа, го изјави градоначалникот на општината Карпош, Стевчо Јакимовски, кој е член на опозиционата СДСМ.

Запрашан дали СДСМ има платформа за спорот околу името и не е ли бегање од одговорност кога СДСМ вели дека ќе го поддржи премиерот што и да одговори, Јакимовски вели дека премиерот е платен да ги решава проблемите на граѓаните, а не опозицијата.

„Груевски на овие граѓани годишно им троши две и пол милијарди евра, значи тој е платен и преплатен и должен е да ги решава нивните проблеми, а не опозицијата“, вели Јакимовски.Според него, поради низа нерешени проблеми најдобро решение би било да се оди на нови парламентарни избори и да се види кое е тоа водство што ќе добие нареден четиригодишен мандат.

„Лошата економска состојба, безизлезната ситуација на надворешен план, безизлезната ситуација во спорот со Грција, влошените меѓуетнички односи, немањето политички дијалог, нарушените демократски процеси, запирање на реформите во судството и партизацијата на судството, целата наша јавна админстрација е целосно партизирана, лошо функционирање на системот и целосно изгубениот кредибилитет на институциите на системот во Македонија. На тоа се темели нашата проценка дека се неопходни предвремени парламентарни избори“, изјави Јакимовски за Радио Слободна Европа. /крај/ап/