Македонија
Претседателот на Уставен се соочи со лустраторите

Претседателот на Уставниот суд Трендафил Ивановски денеска пред Комисијата за верификација на фактите почна да ги изнесува своите докази, со кои ги спротивставува наводите на Комисијата дека во извесен период соработувал со тајните служби.
Претседателот на Уставниот суд Трендафил Ивановски денеска пред Комисијата за верификација на фактите почна да ги изнесува своите докази, со кои ги спротивставува наводите на Комисијата дека во извесен период соработувал со тајните служби.
Ивановски, чие име не беше обелоденето од Комисијата, побара јавно да ги изнесува фактите, не сакајќи да го сокрие својот идентитет.
Ивановски за судија на Уставниот суд е избран на 7 мај 2003 година, по предлог на Републичкиот судски совет.
За претседател на судот е избран на 1 ноември 2007 година со двотретинско мнозинство, откако Махмуд Јусуфи поднесе оставка кога уставниот суд укина неколку одредби од законот за знамиња.
Ивановски е роден во 1946 година во Струмица. Дипломирал на Правниот факултет во Скопје во 1969 година.
По дипломирањето работел во Собранието на СРМ, како вршител на должноста секретар на Законодавно-правната комисија, од 1972 година работел како советник во Републичкиот секретаријат за законодавство и организација. Од 1993 година работи во Уставниот суд со статус на државен советник.
Забележлива била неговата активност како секретар на Сојузот на студентите на Македонија, секретар и претседател на Сојузот на здруженијата на правниците на Македонија, претседател на Одборот за политички систем на Заедницата на општините и градовите на Македонија, член на повеќе комисии во органите и телата на општините, градот Скопје и Републиката.
Во континуитет учествува во стручната работа на измените на Уставот на СРМ од 1969 година до донесувањето на Уставот на Република Македонија од 1991 година.
Комисијата за лустрација во вторник му достави заклучок на уставниот судија дека неговата изјава дека не бил соработник на тајните служби не се совпаѓа со фактите кои што ги поседувала Комисијата.
Ако тој го прифати заклучокот на лустраторите, тој ќе мора да се повлече од функцијата, а доколку не се согласува со наодите на Комисијата, тој има право да поведе постапка пред Управниот суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Училиштето во Стајковци ќе добие нова спортска сала

Со спортските сали во училиштата во Стајковци, Страчинци и Булачани, сите основни училишта во Општина Гази Баба добиваат услови за одржување на наставата по физичко како грижа на централната власт и на општината за младите, изјави премиерот, Зоран Заев, кој заедно со градоначалникот на Општина Гази Баба, Борис Георгиевски и директорката на основното училиште „Кирил и Методиј” во село Стајковци, Анита Ангеловска, направија увид на училиштето каде ќе започне изградба на нова спортска сала.
„Се радуваме на стартот на изградба на спортска сала во основното училиште „Кирил и Методиј“. Кога ќе биде завршена само во сеќавање ќе останат деновите кога учениците од ова основно училиште наставата по физичко ја одржуваа во пренаменета училница или надвор, во дворот на училиштето. Со овој капитален проект конечно се решава овој проблем и учениците добиваат спортска сала според сите стандарди“, рече Заев.
Проектот за салата го подготви општината и во својот буџет обезбеди средства за почеток и изградба. Вкупната вредност на инвестицијата за изградба на салата во Стајковци е 17 милиони денари.
Салата е проектирана на површина од 430 метри квадратни со висина од 6,7 метри и во неа ќе може да се игра кошарка, ракомет, мал фудбал, одбојка, пинг-понг, гимнастички спортови. Салата располага со две соблекувални и помошен простор.
Покрај спортската сала се предвидува и изградба на дополнителна просторија за физичко и во подрачното училиште „Кирил и Методиј“ во Страчинци.
Македонија
Казнети 48 возачи во Липково

Полицијата за еден ден казнила 48 возачи во Липково.
Полициски службеници денеска спроведоа засилена акциска контрола за санкционирање на возачите што не ги почитуваат сообраќајните правила и прописи на територија на општина Липково.
Санкционирани се 48 возачи, од кои 35 за возење со брзина над дозволената, а пет за возење без возачка дозвола.
„Министерството за внатрешни работи продолжува со засилените акциски контроли во сообраќајот. Апелираме до учесниците во сообраќајот да ги почитуваат сообраќајните правила и прописи за поголема безбедност на патиштата“, се наведува во соопштението.
Македонија
Утре променливо облачно време со температура до 15 степени

Утре наутро ќе има повремени врнежи од дожд, особено во западните и источните делови. Во текот на денот ќе преовладува сончево и релативно топло време со умерена облачност, информира УХМР.
Ќе дува умерен до засилен ветер од југозападен правец. Кон крајот на денот повторно ќе има врнежи од дожд, на планините од снег, пообилни во западните делови. Поради продор на студена воздушна маса во текот на ноќта врнежите ќе преминуваат во снег и на некои пониски места. Минималната температура ќе биде во интервал од 3 до 9, а максималната ќе достигне од 9 до 15 степени.
Во Скопје, променливо облачно со сончеви периоди. Ќе дува умерен ветер од југозападен правец. Кон крајот на денот и во текот на ноќта ќе има врнежи од дожд.
Минималната температура ќе се спушти до 4, а максималната ќе достигне 11 степени.
Во вторник ќе преовладува облачно време со врнежи кои ќе преминат во снег и на некои пониски места. На планините значително ќе се зголеми снежната покривка, а поради засилениот ветер ќе има услови за појава на снежни наноси. Локални врнежи од повремен слаб снег ќе има и во среда. Во вторник и среда ќе дува засилен северен ветер што ќе предизвика опаѓање на температурите.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот