Македонија
Граѓански ТИМ остро се спротивстави на наводните тајни преговори
Граѓанската коалиција на здруженија на граѓани, Граѓански ТИМ денеска реагираше на натписите во некои медиуми, кои тврдат дека се водат тајни преговори со соседна Грција во врска со името на нашата земја
Имено, според медиумите, нашиот претседател Бранко Црвенковски и министерот за надворешни работи на Грција, Дора Бакојани, воделе тајни преговори со посредник. На овие натписи, Игор Стојчевски, претставник на Граѓански ТИМ ги повика Црвенковски и сите кои се вклучени во преговорите веднаш да престанат, бидејќи немаат поддршка од граѓаните на нашата земја. „Како што дознаваме од овие медиуми, во преговори се планира промена на името на Република Македонија и промена на уставниот поредок во некаква си Унија на народи“, изјави Стојчевски денеска пред амбасадата на Грција. Тој додаде дека неговото здружение најостро се спротивставува на ваквите тајни преговори. Тој извести дека им веруваат на медиумите и поради тоа не побарале дополнителен извор за проверка на информацијата дали навистина се водат преговори или не.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.