Македонија
Поради силниот снег отежнат патнионот и авионскиот сообраќај
![](https://makfax.com.mk/wp-content/uploads/2016/11/5feea7eb-629e-4f6b-b92f-6d45401d5271-294.jpeg)
Сообраќајот на патниот правец Маврови Анови Дебар го блокираа дваесетина одрони од карпи и лавини од снег, а екипите на „Македонија пат“ преземаат мерки за расчистување на патот
Поради интензивните врнежи од снег кои почнаа во вчерашниот ден продолжија и во текот на ноќта, во тек е забрана на сообраќајот за сите видови возила на патните правци Маврово-Дебар-Струга-Ќафасан, а на патот Гостивар-Стража-Кичево е забрането сообраќање на тешки товарни возила, информираат од „Македонија пат“. Од Јавното претпријатие велат ги преземаат сите активности за расчистување на патиштата, Автобусите на меѓуградските линии пристигнуваат и тргнуваат со задоцнувања од половина до два часа на сите релации, а поради намалена видливост се откажани две слетувања на аеродромот „Александар Велики“ во Скопје, од Загреб и Виена. Врнежите од снег засега не го попречуваат одвивањето на железничкиот сообраќај, каде се присутни вообичаени задоцнувања од десет минути, велат од Железничката станица во Скопје. Според Управата за хидрометеоролошки работи, врнежите од снег ќе продолжат и во текот на ноќта и утрешниот ден, а се очекува да престанат в недела. Највисока снежна покривка од 124 сантиметри во 18 часот е евидентирана на Попова Шапка, по што следат Лазарополе со 48, Претор и Струга со 42 и Маврово со 33. Снежната покривка во Скопје е 4 сантиметри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.