Македонија
Македонија во медиумски „делумно слободни“-те држави
Во недела се одбележува Светскиот дена на слободата во медиумите, па вообичаено Фридом Хаус го објави рангирањето на државите во однос на слободата на медиумите. Македонија е на 98-то место со вкупна оценка 47
Во 2008 г. новинарите секаде во светот беа соочени со зголемени тешкотии во извршувањето на нивните професионални задачи. Според истражувањето на Freedom House, минатата година е одбележана со опаѓање на слободата на медиумите во светот и е седма година по ред, а првпат е забележано влошување во сите региони.Забележливо е што скратувањето на слободата на медиумите не е веќе поврзано само со авторитарните режими. Така Израел, Кина, Италија и Хонконг кои досега беа вбројувани во категоријата „слободни“ сега се поместени во категоријата „делумно слободни“. Во 195 држави и региони во кои се врши истражувањето на Фридом Хаус, 70 земји или 36 отсто се категоризирани како „слободни“, 61 или 31 отсто како „делумно слободни“ и 64 или 33 проценти како „неслободни“.Регионот на средна и источна Европа и поранешниот Советски сојуз, претпреле поголем пад на медиумските слободи од кој и да е друг регион во светот, при што се наведуваат убиствата на новинари во Хрватска и во Бугарија, и нападите на новинари во Босна и Херцеговина. Состојбата во Русија е влошена заради правосудниот систем кој не ги штити новинарите од напади, како и загрозување на независните медиуми од страна на носителите на законските прописи од оваа област, се вели во извештајот.Во комбинираниот регион на источна и средна Европа и државите од поранешен СССР, во кој спаѓа и Македонија, осум држави се во категоријата „слободни“, десет се „делумно слободни“ и десет се „неслободни“, категорија во која се сите поранешни советски републики без трите балтички. Белорусија, Узбекистан и Туркменистан се меѓу десетте земји со најлош однос кон медиумските слободи. Од регионот на Балканот, Бугарија е на 76. место со оценка 36, Црна Гора е на 78. место со оценка 37, Хрватска е на 81. место со оценка 38, Србија на 83. место со оценка 39, Македонија и Босна и Херцеговина го делат 98-то место со оценка 47, а зад нас е само Албанија на 101. место со оценка 50. Сите се во групата „делумно слободни“ држави според медиумските слободи што владеат во нив.„Неколку држави од југоисточна Европа, како што се БиХ, Бугарија и Хрватска, покажале негативни трендови заради зголемените физички закани и вознемирување на новинарите, во Хрватска и Бугарија се случија дрски убиства на медиумски работници, додека општото ниво на застрашувања и насилства пораснало во трите држави“, се истакнува во извештајот на американската организација Фридом Хаус. Притоа се изразува загриженост заради несанкционирање на порано сторени злосторства кон новинари во Бугарија, додека за БиХ, односно за Република Српска се забележуива се’ поголемо политичко влијание во работата на медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Македонија
(Видео) Ковачки: Со над 800 милиони евра владата од ВМРО-ДПМНЕ ќе ги решава проблемите на земјоделците
„Благодарност за поканата на нашиот градоначалник Виктор Паунов, тука сме заедно и со кандидатот за пратеник Гордана Барбашка. Како што нашиот градоначалник работи и покрај опструкциите од централната власт, гледате дека се развива и се гради. Во иднина ние планираме да дадеме 250 милиони евра за сите општини во Република Македонија без разлика кој е на власт. Само во Карбинци ќе доделиме 1,8 милиони евра за сообраќајна и комунална инфраструктура, значи дополнително општините ќе се градат и дополнително ќе се развиваат“, рече Драган Ковачки, член на ИК на ВМРО-ДПМНЕ и носител на Изборна единица 3.
„Како што работи нашиот градоначалник во Карбинци, така ќе работиме и ние на централно ниво. Дополнително за жителите од овој крај предвидуваме над 800 милиони евра во 4 годишен мандат за земјоделците што значи реконструкција на сите водоводни канали, да го решиме проблемот со водоснабдувањето, да го решиме проблемот со загарантираниот откуп, и да го решиме проблемот со загарантираната цена. Значи ќе отвораме и нови откупни центри.
Земјоделците од овој крај заслужуваат внимание, заслужуваат да си ја работат земјата тие, а не земјата да ја поседуваат феудалци како Љупчо Николовски и сличните на него.
Македонија е одлучна за промени, Македонија сака да биде горда, и Македонија заслужува да биде повторно твоја.
Затоа ги повикувам сите граѓани на 8 мај масовно да ни се приклучат да излеземе заеднички, да ставиме крај на овие црнила и овие сивила кои ги донесоа СДС и ДУИ“, изјави Драган Ковачки, член на ИК на ВМРО-ДПМНЕ и носител на Изборна единица 3.