Македонија
Матурантите втор ден на протест поради екстерното тестирање
Неколку стотици матуранти од повеќе градови, протестираа денеска пред просториите на Министерството за образование во Скопје, против одлуката и тие да бидат екстерно тестирани, за што училиштата ги информирале вчера
Средношколците ќе полагаат матура во јуни, а не беа вклучени во проектот за екстерно тестирање. Вчерашната информација ги изненади, па денеска спонтано се собраа пред просториите на Министерството. Училиштата биле известени од МОН дека екстерното тестирање, кое е наменето за оценка на објективноста на наставниците, да биде реализирано од 11 до 20 мај и за матурантите. Сите други ученици, треба да бидат тестирани од 1 до 10 јуни. “Ова е спонтан протест организиран од матурантите. Основната причина е забуната што се случи. Во јануари сите медиуми објавија информација, која не беше негирана од Министерството за образование и наука, дека матурантите ќе бидат изземени од екстерното тестирање. Се до 3 мај, кога еден приватен медиум објави неофицијална информација дека со екстерното тестирање ќе бидат опфатени и матурантите. Единствена задача за нас во мај беше да се подготуваваме за што поуспешно полагање на државната матура. Сега сме во незавидна позиција. Ние дознавме од медиумите и тоа не доведе до овој протест, изјави за медиумите Иван Антоновски од гимназијата „Јосип Броз-Тито“. Меѓу матурантите кружеа летоци на кои ги има напишано причините зошто излегле на протест. “Професорите оценуваат врз база на повеќе критериуми, а тестовите те оценуваат само врз база на еден“, “Во четврта година се полага матура и нас не ни требаат дополнителни тестови“, Како сериозно да го прифатиме тестот кога вие несериозно донесовте одлука!“, пишува на летоците.Пораката на матурантите е дека “нема проблематични средношколци – само средношколци кои не сакаат да го прават го прават на ваш начин“.Средношколците укажаа дека со одлуката се прекршуваат одредби од Правилникот на МОН за начинот на организирање и спроведување на проверувањето на постигањето на успехот на учениците, според кој за екстерното оценување учениците треба да бидат информирани најдоцна еден месец пред тестирањето. Матурантите добија поддршка и од Средношколската унија на Македонија, а претседателот, Оливер Паб, вели дека очекува МОН да ја повлече одредбата зашто матурантите не се подготвени за тест најавен една недела претходно. Средношколците не беа примени од ресорното Министерство и не добија повратен одговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.