– Има многу креативни решенија за спорот со името меѓу Македонија и Грција, смета американскиот заменик-државен секретар Џејмс Стајнберг, кој по средбите за време на неодамнешната посета на регионот се надева дека владите во Скопје и Атина ќе го надминат проблемот.

Сметаме дека тоа е мошне важно, дека дава можност Скопје и тамошните лидери да го заземат своето заслужено место во европската интеграција, да станат дел од НАТО. Се надеваме дека ќе има реален, интензивиран фокус, и во Атина и во Скопје, да се обидат да најдат креативно решение за да овозможат да продолжи интегративниот процес, изјави Стајнберг во интервју за Гласот на Америка на македонски јазик.Тој најави дека САД ќе продолжат да го поддржуваат процесот во ОН со посредство на медијаторот Метју Нимиц и оти се подготвени да помогнат колку што можат во решавање на спорот.„Напорно ќе работиме со обете страни, за да видиме кој е нивниот национален интерес, бидејќи и Грција и Македонија имаат интерес ова да започне да се движи напред.  Се обидуваме да ги мотивираме да погледнат подалеку од разбирливите чувства што луѓето ги имаат, да размислат за нивните пошироки стратешки перспективи и придобивки, истакна Стајнберг. Тој рече дека бил охрабрен од средбите што ги одржал во Атина и смета дека „раководството во Грција ја цени важноста од тоа Македонија да биде подобро закотвена во евро-атлантските институции“.  Според него, САД имаат „постојана надеж“ дека ќе се најде добар начин да се надминат тешкотиите и да се добие добар резултат.На прашање дали Вашингтон планира да назначи специјален пратеник за Балканот, Стајнберг со одговор дека не знае дали ќе има посебен претставник, но оти самата посета на потпретседателот Џо Бајден, како и неговата посета, илустрирале колку САД сметаат дека Балканот е важен.