Македонија
Црвенковски и Груевски ќе договараат преговарач?!
Државниот врв утре на средба во кабинетот на Претседателот ќе одлучува кој ќе биде новиот преговарач во спорот за името меѓу Грција и Македонија, откако Црвенковски пред две недели го разреши Никола Димитров од оваа функција
Името на преговарачот кој во придружба со Мартин Протoѓер ќе треба да ја застапува Македонија во преговорите за спорот за името што се водат под покровителство на ОН во Њујорк се уште не е договорено. Пред неколку дена неколку пишани медиуми повикувајќи се на владини извори, како потенцијални преговарачи ги споменуваа имињата на Благоја Ханџиски, македонскиот амбасадор во Грција, Зоран Јолевски, амбасадор во Вашингтон, и професорот Ѓорѓе Иванов. Владата денеска преку соопштение ја демантираше ваквата листа. „Досега не е подготвена куса листа и не се точни известувањата за кое било од трите имиња кои се спомнуваат во текстовите“, се вели во соопштението на Владата. Оттаму додаваат дека се уште е во тек постапката и деталната анализа на кандидати за иден преговарач. Дека нема конечно име, потврдува и министерот Антонио Милошоски. „Владата се уште размислува кој ќе ја застапува Македонија во спорот со името. Постапката е во тек. Неколку имиња доаѓаат предвид“, изјави Милошоски на денешното засадување на дрвца заедно со дипломатскиот кор не откривајќи ги имињата на оние кои влегле во потесниот круг на селекција. Инаку, изборот ќе треба да го направи Груевски. Номинирањето се одложи поради неговиот минатонеделен пат во САД. Кој и да биде избран, овластувањата да преговара во името на Република Македонија официјално ќе ги добие кога претседателот Бранко Црвенковски ќе го одобри предлогот на премирот. Со поставувањето на преговарач Македонија ќе може брзо да се врати на преговорите со Грција кои ги напушти откако Црвенковски го разреши Димитров од оваа позиција. „Ќе гледам се да се заврши во најскоро можно време бидејќи имаме определба во пријателски дух со Грција да ги продолжиме дијалозите околу спорот за нашето уставно име“, најави Милошоски. Освен, прифатената обврска да преговара, дополнителен притисок за поинтензивни преговори и конечно решавање на проблемот, Македонија има и од американската администрација во заминување. Вашингтон во четвртокот испрати јасна порака дека САД нема да го променат ставот околу уставното име на Македонија со доаѓањето на Барак Обама во Белата куќа, но и дека е во дипломатска офанзива прашањето да се реши до декември. „Нашата позиција за прашањето за името е добро позната. Сакаме да го видиме решено. Во тек се дипломатски активности во обид да биде решено, но не би сакал да коментирам ништо повеќе“, изјавил Роберт Вуд, заменик-портпарол на американскиот Стејт-департмент на редовниот брифинг во Вашингтон. Црвенковски му го даде отказот на Димитров јавно на собраниската седница на која се расправаше за Резолуција за национална стратегија за името, а образложението беше дека тоа го прави со цел да се надминат разликите помеѓу него и Груевски во спорот со името, како и тоа дека дуализмот во преговорите со Мартин Протоѓер нанесува штета. Владата, пак, одговори дека токму повлекувањето на Димитров ја остава Македонија „без свој адвокат“ во преговорите. Утрешната средба на државниот врв доаѓа по речиси еден месец пауза од средбите на премиерот и претседателот со преговарачите на кои се координираше ставот околу последниот пакет на идеи на медијаторот на ОН, Метју Нимиц. Разрешувањето на Димитров, следеше откога двајцата преговарачи во Њујорк му ги пренесоа ставовите на посредникот дека неговиот последен предлог е речиси неприфатлив во делот на идентитетот т.е. јазикот и националноста која ќе биде впишана во графите на Обединетите нации. Забелешки на предлогот „Северна Македонија“ даде и официјална Атина. Според дипломатски извори, двете страни треба да очекуваат нов сет идеи наредниот месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.