Се отстапуваат касарните во Скопје, Битола, Гевгелија, Дебар, Охрид, Дојран, а прокетот ќе почне од Струмица

Проектот со кој Министерството за одбрана и Владата на Република Македонија ги отстапуваат касарните на владеење на единиците на локална самоуправа покажува исклучително висок степен на разбирање за потребите на граѓаните. Министерството за одбрана ги става старите касарни во функција на економскиот развој, образованието, здравството, социјалната политика, културата, локалната самоуправа. Се отстапуваат касарните во градовите Скопје, Битола, Гевгелија, Дебар, Охрид, Дојран и тоа што и лично јас, изјави на денешната прес-конференција пратеничката Силвана Бонева, посебно го поздравувам, Струмица. Тие касарни, преку измената на ГУП-от и ДУП-овите, треба да бидат пренаменети и да бидат во функција на нивната нова цивилна и општествена намена. Владата ги дава касарните во функција на граѓаните, а општините обезбедуваат техничка поддршка на процесот. Тоа е заедничка соработка која траба да даде резултати. Ако добро се спроведе проектот, добитници ќе бидат само граѓаните.ВМРО-ДПМНЕ ја поздравува одлуката на Владата и Министерството за одбрана за подеднаков однос кон сите општини, во кои ќе бидат ставени во употреба касарните. Политичка доблест е тоа што оваа Влада работи за граѓаните, подеднакво за сите општини и не ги дели општините според тоа од која партија е градоначалникот. Ставањето во употреба на касарната во Струмица, како прва од овој проект, во функција на граѓаните, е најдобар пример за оваа доблест. Отстапувањето на 30 хектари, или една осмина од вкупната површина на Струмица, е одлична можност за развој и приспоритет на оваа општина. Ги повикуваме градоначалниците на сите овие општини, а посебно градоначалникот на општина Струмица, општина во која започна реализацијата на овој проект, преку широки расправи, пред да започнат формалните постапки, да обезбедат реална и ефикасна намена на објектите и просторот на поранешните касарни.Во овие широки расправи мораат да бидат вклучени Урбаните и Месните заедници, невладините организации, социјалните, здравствените и културните институции, сите чинители на општествениот живот во општините за да се обезбеди транспарентност во целиот простор.