Македонија
Кој може да се справи со урбанистичката мафија – Платина инжинеринг (Прв дел)
Ке се најде ли тој јунак што ке и се спротистави на градежната урбанистичка мафија ? Како ?
Во градежништвото се вртат огромна сума на кеш пари која најлесно се пере преку вака поставениот систем на плаќање и намерно оставените и поставени дупки во законите кои и така не се почитуваат од страна на државните институции задолжени за контрола на платежните средства и слично. Ке се навратам на градежната афера Платина Инженеринг.
“Платина ижинеринг“ доо Рокан и други е фирма што се занимава со зафати во градежништвото. Започнува со изградби на стамбени објекти во мај 2003 год. на ул. Водњанска бр. 17 заедно со Луијза односно фирмата “Самарија“. По само неполни два три месеци “пука тиквата“ помеѓу фирмите и “Платина Инжинеринг“ започнува истата година самостојно да гради стамбен објект на ул. “Роза Луксембург“ бр. 18 и 20 Скопје. Склучува договори за градба со сопствениците на земјиште и веднаш започнува да продава станови. Прибирајки средства од склучени пред договори со потенцијалните станари успева зградата да ја доведе до подрум и еден спрат со пуштени столбови за вториот спрат. Бидејки брзо започнала да се гради зградата се пуштеле “муабети“ низ комшилук (општина центар -позади католичка црква) дека “Платина инжинеринг“ е “добра“ фирма. Потенцијалните купувачи на станови се распрашувале низ комшии за фирмата и нормално сите се искажувале позитивно бидејки не виделе дека за нешто доаѓа инспекција или не слушнале нешто лошо во врска со фирмата и сопственикот на истата Рокан Атанасоски. Вака “добро осигурани“ потенцијални купувачи склучувале пред договори за станови со фирмата Платина. Истовремено и во комшилукот се шират гласини дека е “време“ да се ослободат од старите куќи и фамилијарно да се обезбедат со кров над глава за синови, керки, внуци и т.н. Платина односно сопственикот Рокан Атанасоски успева во јануари 2004 год. да се договори со сопственици на земјиште во соседната улица “Васил Стефановски“ бр. 26 Скопје, лицата З.Ѓ., М.Ѓ.,А.Ѓ., во февруари со сопствениците на земјиште “Васил Стефановски“ бр 26А лицата С.Д.,А.Д.,М.Д. и Р.Д. Бидејки “есапот“ на “Платина“ не испаднал како што треба ги “врбува“ наведените сопственици да влијаат врз комшиите со кои според ДУП имаат споена соседена парцела за градење, и ако успеат во тоа “Платина“ ке “фрли“ уште по неколку м2 стамбен простор. Еден од “врбувачите“ З.Ѓ. кој веке на Платина и дал извесна сума на пари со секојдневно убедување успеал да ја убеди младата брачна двојка која живеела тука да ги разубедат своите родители ( жената е керка на сопствениците – родители) дека ако се согласат за изградба со фирмата Платина ке можат заедно наеднаш да изградат зграда и дека така ке било подобро за нив кога ке преговараат за квадрати. Бидејки економски не биле добро ситуирани, а и дека сопствениците се на старосна граница (72 год.) се согласиле со комшијата З.Ѓ. дека ке градат со Платина. Лицето З.Ѓ. успеал во најможен краток рок да им овозможи да потпишат договор за градба со “Платина Инжинеринг“. Во април 2004 веке и сопствениците на ул. “Васил Стефановски “ бр. 28, лицата М.П. И Т.П. потпишале со Платина инженеринг. Во Јуни 2004 год. се започнало со рушење на постоечките објекти. Со самото започнување на градбата “нормално“ Платина започнала и со продажба на станови во започнатиот објект на ул. Васил Стефановски“ бр. 26 и 28. До декември истата 2004 год. зградата била изградена до фаза карабина до 4-ти спрат (останало уште поткровјето). Младата брачна двојка познавајки ги работите во урбанизмот, заедно со сопственикот на “Платина“ Рокан Атанасоски отишле во Министерство за транспорт и службеничката задолжена за урбанизам М.П. им кажала на младиот брачен пар дека “Платина“ има уредни документи за градење. Во 2005 год. комшиите воодушевени од брзината со која гради Платина и редовноста што им се плаќа на соседите- сопственици што се под кирија соседот др. А.С. истотака се договорил со Платина да му градат на сопствен имот ул. “Роза Луксембург“ бр. 10 и соседите на ул. 29 ноември бр.15. Шемата иста, веднаш се продаваат станови. За малиот застој во градењето со првите два објекти објаснувањето на сопственикот Рокан Атанасоски било дека премногу интересенти има и дека и самите знаат дека во комшии ке гради уште два објекти. Без (наводно) никој да знае на 25.05.2005 г. Платина инжинеринг ДОО се трансформира во Платина Инженеринг ДООЕЛ со управител и сопственик Рената Посавац. Од летото 2005 год. па све до почетокот на 2006 год. градењето на објектите речиси запрело но изненадувачки било тоа што сопствениците редовно добивале пари за кирија каде што биле сместени. Летото 2006 год. по објектите почнале да се појавуваат сомнителни лица со “јаки’ автомобили, “јаки“ моторцикли, лица што по цела вечер седат во автомобилите и стражарат пред објектите, а од Рокан Атанасоски и Рената Посавац никаде ниту трага ниту глас (не одговараат на позиви по телефон, никој не ги видел и сл.). Во септември 2006 год. наеднаш се појавува Рената Посавац и ги посетува сите сопственици кај кои се градат објектите на Платина но во друштво на некое непознато лице С.С. Рената секаде го претставува како купец на станови ( на ул. Роза Луксембург бр. 18 и 20 имал 3 стана, на ул. Васил Стефановски бр. 26 и 28 имал 6 стана и слично ). На младата брачна двојка веднаш и паѓа сомнително и започнува да се интересира во општина центар за својот објект на ул. Васил Стефановски бр. 28. Во општина центар наидуваат на затворени врати и едноставно на непријателски однос бидејки никакви информации не им се достапни иако се сопственици. Во Октомври 2006 г. лицето С.С. се јавува тел. кај младиот брачен пар и договара средба со сопругот Т.Н. Средбата се случува во ресторан “Јана“ (карши центар за странски јазици) во 21:00 ч. Т.Н. се појавува во ресторанот и на маса ги сретнува лицето С.С. кое било со Рената Посавац и друго непознато лице А.Н. кое се претставува како правен застапник на американска државјанка М.С.З. од Њу Џерси. Лицата прават притисок врз Т.Н. да ги убеди своите баба, дедо и својата сопруга да му потпишат на лицето С.С. да биде инвеститор на објектот од Платина инженеринг и на тој начин ке се доизградела зградата. Т.Н. ја одбива понудата и соопштува дека договорот со Платина ке се раскине и дека ке се бара нов инвеститор. На 20.октомври 2006г. лицето С.С. повторно го контактира Т.Н. и му закажува средба со некое лице. Се договориле во 20:00 ч да се најдат позади Буњаковец. На средбата се појавува Рокан Атанасоски но маскиран ( нема бркови, ослабен, ептен кратка коса, облечен на поинаков начин и сл.). Се договараат да седнат во ресторан Македонија во карпош 4. Средбата трае до 24ч и паѓа договор дека Рената Посавац ке гарантира со Изјава пред нотар (заверена) дека ако во наредниот месец не започне со доизградба на објектот на ул. Васил Стефановски бр. 28 дека сопствениците ке си ја превземат градбата а за сите настанати штети одговорен ке биде единствено Платина инжинеринг. После месец дена градбата не започнува и со веке дадената Изјава на Рената Посавац се активира раскинувањето на првичниот договор на сопствениците и Платина инжинеринг. Во меѓувреме младиот брачен пар секој ден оди во општина Центар за да ја информира општината дека е раскинат Договорот со Платина и дека ке се бара нов инвеститор за доизградба на објектот. Во декември 2006 г. вработената во општина Центар С.М. на младиот брачен пар им се обраќа со шепотење: ВНИМАВАЈТЕ… НЕ ЗНАЕТЕ СО КОГО СИ ИМАТЕ РАБОТА!!! Истиот ден, вечерта на 16-ти декември 2006 г. младиот брачен пар, сопругата на Т.Н. односно сопругата С.Н. се јавува во Битола кај родителите на Рената Посавац и на телефон се одговара Маријана Атанасоска (сопругата на Рокан Атанасоски што ја ограби комерцијална банка за официјални 518.000 евра). По многу краток разговор (ми треба Рената…. ЈАС СУМ СЕСТРА И, НЕ Е ТУКА И НЕМОЈ ВЕКЕ ДА СЕ ЈАВУВАШ ТУКА), веке све било јасно (додека кратко се разговарало се слушало народна музика во позадина на разговорот со галама од многу луѓе). Младиот брачен пар заклучило дека се спремаат за бегање. Утредента Т.Н. после цела непреспиена вечер разгледувајки и поврзувајки ги работите оди кај Д.С.ГАЛАБ ДООЕЛ (проектант и соработник на Рокан Атанасоски). Во канцеларија го наоѓа Ѓ.Г. вујко на Д.Г. сопственик и управител на Д.С.“ГАЛАБ“ ДООЕЛ кој објаснува дека внукот Д.Г. само што заминал за Америка и дека проектот што е изработен за објектот на ул. Васил Стефановски 28 е изработен и заверен од “ГАЛАБ“. Лицето Т.Н. ја поврзува цела работа и и се јавува на својата сопруга С.Н. дека треба да се разгласи Платина Инжинеринг се избегани од Македонија. После јавувањето на својата сопруга се јавува кај лицето С.С. за да му соопшти за бегството на Рокан и едноставно да ја види реакцијата на С.С. Закажана е средба во “НАЏАК“ за пола саат. На средбата со С.С. се појавуваат нови фаци (за Т.Н. познати како криминалци со дебело досие). Реакцијата на С.С. укажува на тоа дека комплетно све знае што се случува и како атмосфера користел повторно да му прави притисок на Т.Н. да ја убеди својата фамилија да му потпишат на С.С. да биде инвеститор на објектот. Во понеделник 18. Декември 2006 младиот брачен пар оди во општина Центар да соопшти дека инвеститорот Платина инжинеринг е во бегство. Повторно се обракаат кај С.М. (таа го води предметот за Платина) со веста за бегството на Платина. С.М. со извинување излегува од канцеларија и после 20тина минути се враќа со документација. Се обраќа до младиот брачен пар Т.Н и С.Н. со зборовите, цитирам: “ЕВЕ ВИ ДОКУМЕНТАЦИЈА ШТО ЈА ЗЕМАВ ОД ФИОКА ОД КАЈ ИНСПЕКТОРОТ МИЛАН ПИЖУЛА. КОПИРАЈТЕ ЈА ЦЕЛА ДОКУМЕНТАЦИЈА И ВЕ МОЛАМ ВЕДНАШ ДА МИ ЈА ВРАТИТЕ, ТОЛКУ МОЖАМ ДА ВИ ПОМОГНАМ“. Речено – сторено, копирано и вратено. На излегување од канцеларијата, С.М. им се обратила на младиот брачен пар: “КОЛКУ ЗА ИНФОРМАЦИЈА, ГРАДЕЖНИОТ ИНСПЕКТОР ВО НАШАТА ОПШТИНА ЦЕНТАР МИЛАН ПИЖУЛА Е ШКОЛСКИ ДРУГАР СО ТОЈ ВАШИОТ РОКАН АТАНАСОСКИ“.
ОВА Е САМО ВОВЕД ВО АФЕРАТА ПЛАТИНА ИНЖИНЕРИНГ. ВО ВТОРИОТ ДЕЛ КЕ БИДЕ ОБЈАСНЕТО ВО ДЕЛОТ НА ДРЖАВНИТЕ ИНСТИТУЦИИ КАКО (НЕ)РЕАГИРААТ ВО ВРСКА СО ОВОЈ СЛУЧАЈ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ не му се извини на Томовски, тој најави дека ќе ги тужи
Портпаролката на СДСМ, Богданка Кузеска, денеска кажа дека нема да му се извинат на директорот на СОЗР, Ивица Томовски. Ова следи откако вчера СДСМ обвини дека семејната фирма на Томовски добила 161 тендери вредни 5,3 милиони евра. Тој, пак, рече дека нема никаква приватна компанија, побара извинување, а во спротивно најави тужба.
„Не, нема да му се извиниме на Томовски. Кажавме и ќе повториме, не се извинуваме на тие што пумпаат пари од граѓаните! Ние се бориме против криминалот и корупцијата и продолжуваме. Наместо извинување денеска ќе објавиме уште еден податок, уште еден факт, уште еден доказ“, рече Кузеска и додаде дека „меѓу телефонските броеви коишто се наведени во фирмата го има и бројот на Томовски“.
По ова, на Фејсбук повторно реагираше Томовски.
„Досега не чув каков криминал сум направил, ниту пак видов докази за тоа. Во тоа нивно растурање пердуви, вчера жигосаа уште една домашна компанија која не е моја, а денес јавно го објавија мојот телефонски број – број кој е познат на сите кои ме познаваат, кој го имам со години и кој е единствениот број што го поседувам, доделен пред многу години од мојот татко. На истиот тој број можеа да се јават и да се извинат, но тие одбраа да одиме по судски пат. Затоа уште еднаш повторувам: ќе одговараат, и следува тужба. „Јака“ работа завршил антикорупцискиот тим на СДСМ – го нашле мојот број што сите го знаат и е на мое име“, пишува меѓудругото во неговата реакција.
Се огласија и од ВМРО-ДПМНЕ.
„Дали Венко Филипче уценувал студентки како професор барајќи неморални услуги за оценки-Можеби за ова има докази, а можеби и не. Вака отприлика звучат обвинувањата на СДС кои секојдневно ги адресираат, без докази, без аргументи и само со расфрлање на пердуви.
Ниската комуникација без аргументи единствено е својствена за Зоран Заев за кои е само непознато дали им ги праќа напишаните соопштенија на маил или од Струмица ги испраќа со автомобил на USB до Бихаќка. Многу „јаката афера“ на СДС заврши со јавно објавување на некаков телефонски број и тоа им е главниот доказ, што е голема срамота. Ги молиме за поголема сериозност и концентрација.
Трговецот од Горни Милановац нема да ја направи победничка партијата со тоа што ќе измислува и креира клевети. Очигледно СДС не научи ниту една лекција од поразот, туку Филипче реши да оди во длабокото, каде ќе се удави.
Наместо на лажливи прес-конференции тие треба да одат на обвинителна клупа. Љупчо Коцевски нема вечно да ги штити и Заев и Филипче. Ќе има одговорност за ова“, се наведува во реакцијата на ВМРО-ДПМНЕ.
Македонија
(Видео) Милошоски: Во Македонија нема да се градат бегалски кампови
Пратеникот на ВМРО-ДПМНЕ, Антонијо Милошоски, денеска демантираше дека Договорот за стратешко партнерство помеѓу Македонија и Велика Британија предвидува изградба на бегалски кампови во земјава.
Според него, договорот е еден од најзначајните документи што Македонија ги има постигнато со сериозна држава како Британија и предвидува заедничка соработка во инвестиции, инфраструктура, безбедност и економија.
„Со овој договор за стратешко партнерство предвидени се одредени средства со коишто ќе се гради инфраструктура во Македонија. Ќе се градат железници, автопати, здравствени и енергетски инфраструктурни проекти, но за жал на опозицијата, која се обидува да спинува, нема да се градат било какви бегалски кампови. Британија, откако излезе од ЕУ, со сите земји од Западниот Балкан, но и со самата ЕУ склучува вакви договори каде што Британија ја враќа легалната основа на Фронтекс таму каде што Македонија и земјите членки на ЕУ и земјите кандидати имаат легална основа за борба против организирана, нелегална миграција и заштита на границите. Тоа го прави Британија со овој дополнителен механзам, којшто е комплементарен со Фронтекс. Нема подобар демант за ваквите спинови на некои опозициони партии од изјавата на британскиот амбасадор, дека британско-македонскиот стратешки договор потврдува и предвидува инвестирање во инфраструктура, економија, безбедност и образование, но не предвидува бегалски кампови во Македонија. И тоа сакаме јасно да го демантираме. Сите оние кои се обидуваат оваа тема и понатаму да ја спинуваат, очигледно имаат недостаток или на визија или на проекти кои би ги понудиле како Македонија да има постабилни партнери и постабилни држави-пријатели како што е Велика Британија“, истакна Милошоски.
Претходно, „Дели мејл“ повикувајќи се на „Тајмс“ пренесе дека Британија би можела да депортира одбиени баратели на азил во Северна Македонија според планот за отворање „центри за враќање“ на Балканот. Според извештаите, земјата влегла во формални разговори со Обединетото Кралство во текот на есента за да биде домаќин на мигрантски „центар за враќање“.
Според предлогот, за кој јавуваат британските медиуми, Обединетото Кралство би ѝ плаќало на Северна Македонија за секој мигрант што ќе го прифати, заедно со инвестиции во земјата и помош за нејзината безбедност од Русија. Мигрантите потоа би имале можност да бараат азил во Северна Македонија или да добијат работни визи за работа во сектори со недостиг од работна сила. Тие би имале можност да заминат кога ќе посакаат.
Македонија
(Видео) Милошоски: „Стратегијата Македонија 2030“ на ВМРО-ДПМНЕ како ново поглавје за стабилност и развој на државата
Стратегијата „Ново поглавје – Македонија 2030“ што ВМРО-ДПМНЕ ја усвои на вчерашниот Конгрес во Кавадарци значи визија за модерна, стабилна и европски ориентирана Македонија, со јасно дефиниран политички и развоен правец за следната деценија, кажа денеска на прес-конференција, Антонијо Милошоски, пратеник на ВМРО-ДПМНЕ.
Стратегијата, како што рече Милошоски, се заснова на идејата дека државата мора да излезе од циклусот на краткорочни одлуки и да воведе долгорочен план и систем за управување, а тоа се создава преку институции со силен интегритет, конкурентна економија и општество засновано на вредности и национална самодоверба.
„Документот ја позиционира ВМРО-ДПМНЕ како политичка сила подготвена да ја преземе одговорноста и улогата за ова државничко лидерство. И ова се разбира не е список на политички кампањски предизборни желби, туку е документ со јасни цели коишто би биле национална траекторија во следните 10-15 години“, истакна тој.
Според него, клучната амбиција е оваа Стратегија Македонија до 2030 година да стане земја што создава стабилност, економска додадена вредност и институционална зрелост, со национален идентитет што се почитува, а не се условува дневно политички.
„Стратешката рамка за 2025–2030 ги содржи шесте клучни стожери што ќе водат развој на државата.
Прво, државната безбедност. Тоа значи модерна армија, современа полиција, национална сајбер-заштита и систем за справување со хибридни закани. Безбедноста е нашата основа и АРМ и МВР мора да бидат максимално подготвени за овој предизвик.
Второ е економската конкурентност. Тоа значи напуштање на моделот на евтина работна сила и создавање на конкурентна економија заснована на знаење, на додадена вредност и технолошки иновации. Се разбира мораме да имаме поддршка за домашните компании, стабилен даночен систем, зелена енергетска транзиција и повторно создавање на услови за странски инвестиции.
Трето, правна држава. Целта е да имаме независно судство, департизирано обвинителство, професионална администрација и системска борба против корупцијата преку дигитализирана контрола на движењето на парите и на имотните прашања.
Четврто, демографските политики. Потребна е вистинска поддршка за младите, станбени програми, политики за поврат на дијаспората, достоинствена грижа за постарите лица. За да можеме преку една стабилна популациона политика, во Македонија да имаме секогаш доволен ресурс во луѓе за да можеме да ја развиваме и економијата и државата.
Петто, европска интеграција и надворешната политика. Партнерства со јасни црвени линии ни се најбитен дел, затоа што ние како политичка партија сме определени за Европската Унија како еднаков партнер, без дополнителни билатерални условувања кои што би го допирале идентитетот или националната самобитност на македонскиот народ и да државата.
И шесто, образованието, културата и идентитетот. Мора да вложуваме во модерни програми, дигитален дел, да речам, на културата, исто така, и на образованието, поддршка за науката, заштита на македонскиот јазик и неговата промоција. Бидејќи без силна култура и образование не би имале толку силно општество, и промоција на нашите одлики во европско ниво“, рече Милошоски.
Дополнително, нагласи пратеникот, стратегијата носи нови теми што ја подготвуваат Македонија за иднината и оваа национална стратегија обрнува внимание и вештачка интелигенција како еден нов дел од технолошкиот натпревар, не само во Европа, туку и на глобално ниво.
„Имаме стратегија за сајбер-безбедност, стратегија за една геоекономска дипломатија, што ќе ја поврзе и дипломатијата со геополитичките поместувања во последниве неколку години. Исто така и основање на Фонд за иднината, односно државен инвестициски инструмент којшто ќе поддржува технологии, иновации, истражување и вештачка интелигенција, за да може Македонија да биде поконкурентна со партнерите во регионот, но исто така и на европско ниво“, вели Милошоски.
(Видео) Милошоски: Во Македонија нема да се градат бегалски кампови
Пратеникот на ВМРО-ДПМНЕ, Антонијо Милошоски, денеска демантираше дека Договорот за стратешко партнерство помеѓу Македонија и Велика Британија предвидува изградба на...
(Фото+видео) Ивановски: Отстранет и првиот билборд од Железничката станица Скопје
„Отстранет и првиот билборд од Железничката станица Скопје“ – објави на ФБ, директорот на „Македонски железници – Инфраструктура“, Синиша Ивановски....
(Видео) Кузеска: Кој му дал дозвола на Мицкоски да преговара за мигранти?
„Власта на Мицкоски подготвува анти државно и национално предавство. Угледните британски медиуми, како The Times, пренесуваат дека Владата на Мицкоски...
Притвор за неготинчанец кој со закани со нож принудил жена на полови дејствија, ја снимал и барал пари да не го објави видеото
Основното јавно обвинителство Скопје поведе постапка против едно лице од Неготино, со живеалиште во Германија, кој е осомничен за кривични...
(Видео) Масовен руски напад врз Кременчук – делови од градот останаа без струја, вода и греење
Русија синоќа изврши масовен ракетен и дрон-напад врз украинскиот град Кременчук. Според украинските воздухопловни сили, експлозии биле забележани околу 1:30...
Најмалку 25 лица загинаа во голем пожар во ноќен клуб во Гоа, Индија
Најмалку 25 лица загинаа, а повеќемина се повредени во тежок пожар што околу полноќ го зафати популарен ноќен клуб во...
Експерти предупредуваат на радиоактивна прашина по оштетувањето на обвивката на Чернобил
Заштитната обвивка изградена за да спречи ширење на радијација од нуклеарната централа Чернобил мора итно да се поправи откако беше...
Мицкоски: Европската интеграција не смее да се сведе на пасивно прифаќање, Македонија мора да знае да каже ДА кога тоа е во нејзина корист
Во 21 век, историското наследство не може да биде изговор за застој. Напротив, тоа е најсилен мотив државата да биде...
Орбан: ВМРО стана една од најуспешните политички сили во Европа, ја поставивте вашата татковина на патот на стабилен, предвидлив и безбеден развој
Претставници на сестринските партии на ВМРО-ДПМНЕ упатија честитки за како што велат, достигнувањата на партијата кои ги имаше во последните...
Тошковски доби опомена од „Сејф сити“ – возел со 1 километар на час над дозволената брзина
Министерот за внатрешни работи, Панче Тошковски, на Фејсбук објави дека добил порака за сторен сообраќаен прекршок од „Сејф сити“. „Утрово,...
Томовски: СДС да се извинат за клеветите и измислицитe, посочената компанија не е моја, во моментов немам никаква приватна компанија
„Посочената компанија не е моја, ниту пак имам било каков удел во нејзе. Јас во моментов немам никаква приватна компанија...
(Видео) Димитријевиќ: Семејната фирма на директорот на СОЗР добила 161 тендери за 5,3 милиони евра
Опозициската СДСМ денеска обвини дека семејната фирма на директорот на СОЗР, Ивица Томовски, која го менувала името, добила 161 тендери...
Македонија нема, не планира и не преговара за отворање мигрантски кампови, порача ВМРО-ДПМНЕ
Владејачката ВМРО-ДПМНЕ реагира по објавите на британските медиуми и СДСМ дека Владата подготвува договор со Обединетото Кралство за отворање центар...
Британски медиуми објавија дека се преговара со Македонија за отворање центар за мигранти, СДСМ ја повика Владата да ја објави содржината на разговорите
Социјалдемократскиот сојуз на Македонија ја повика Владата веднаш да ја објави целата содржина на разговорите со Британија и да одговори...
Никаде го немало македонското знаме на прославата на Денот на албанското знаме, прекршочна постапка за Општина Струга
Полицијата поднесе барање за поведување прекршочна постапка против Општина Струга и уште едно физичко лице затоа што на денот на...
Поранешните премиери се скараа на „Фејсбук“: Груевски вели дека Заев е дволичен, тој му одговори дека треба да си најде хоби, а не да пишува епопеи од бегство
Поранешните премиери Никола Груевски и Зоран Заев со обвинувања преку социјалната мрежа „Фејсбук“. Груевски го нарече Заев дволичен, а тој...
Од 1 јануари се намалува надоместокот за дистрибуција на струјата, останува ЕВН да ги објави финалните цени
Од 1 јануари 2026 година надоместокот за користење на електродистрибутивниот систем „Електродистрибуција“ ДООЕЛ се намалува 3,64 %, надоместокот за користење...
Алиу: Со синдикатите сме на иста страна, заеднички работиме на унапредување на статусот на здравствените работници
Министерот за здравство Азир Алиу денеска одржа работен состанок со претставниците на Самостојниот синдикат за здравство, фармација и социјална заштита...
Кривична против директорка на средно училиште во Делчево: набавила фалсификуван тест за познавање аглиски јазик од Бугарија
СВР Штип – ОВР Делчево, до Основното јавно обвинителство Делчево, поднесе кривична пријава против Д.Ц.(53) од Делчево поради постоење основи...
(Видео) „Корупцијата на власта оди до Брисел“, Филипче ја повика Ковеши да дојде во Македонија
Претседателот на Социјалдемократскиот сојуз на Македонија, д-р Венко Филипче, на денешната прес-конференција упати повик до главната европска обвинителка, Лаура Ковеши,...
