Македонија
Милошоски и Друцас се договорија пред Нимиц пак да ги образложат позициите
Посетата меѓу македонскиот шеф на дипломатијата и грчкиот алтернативен минситер за надворешни работи траела речиси половина час, која е оценета од двете страни како позитивен исчекор кон решавањето на спорот за името
Посетата на медијаторот Метју Нимиц на крајот на февруари или на почетокот на март би била добра можност уште еднаш и Македонија и Грција да му ги образложат своите позиции и истовремено да му се даде поттик за неговиот ангажман за понатаму да ја динамизира неговата работа и да се очекува напредок, се согласија на денешната прва билатерална средба во Лондон македонскиот министер за надворешни работи Антонио Милошоски и алтернативниот министер за надворешни работи на Грција, Димитриос Друцас.Министерот Милошоски оценувајќи ја средбата како навремена, јави известувачот на МИА, потенцира дека било разговарано за билатералниот спор за употребата на уставното име на Република Македонија. Според шефот на македонската дипломатија, грчката страна била резервирана во однос на иницијативата за подигнување на нивото на канцелариите за врски во амбасади во Скопје и Атина.На средбата не било разговарано за отворање на новиот граничен премин кај „Маркова Нога“.Како што изјави по средбата Милошоски, во врска со македонската иницијатива за потпишување спогодба за ослободување од двојно оданочување грчкото Министерство за финансии веќе го разгледува предлогот, а македонското Министерство е подготвено, но останува да се види каква ќе биде политичката одлука од страна на Грција. Милошоски на маргините на Конференцијата имаше кратка средба со американскиот државен секретар Хилари Клинтон на која биле разменети мислења за ангажманот на Македонија во Авганистан и за придонесот што го даваме како единствен член во коалицијата кој е се уште кандидат за членство во НАТО, а се наоѓа на четврто место по придонесот во мисијата ИСАФ.Министерот Милошоски во врска со прашањето за името и ги појаснил на Клинтон македонските позиции и иницијативи, но и подготвеноста на државата на заеднички начин со Грција како што рече да се придвижиме напред за да можеме да стигнеме до компромисно решение кое би било во согласност со меѓународните норми со времената спогодба и со принципите на почитување на правото на самоопределување на секој народ. Шефот на македонската дипломатија Милошоски на крајот од Конференцијата во Лондон потенцира дека Македонија го поддржува планот на авганистанската влада за стратегијата за транзиција, а таа поддршка оцени треба да продолжи од целокупната меѓународна заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.