Македонија
„Скопје 2014“ ќе почне со Гоце и Даме

Скопскиот градоначалник Коце Трајановски и официјално застана зад „Скопје 2014“. Градот ќе учествувал во државниот прокет со обнова на фасадите и уредувањето на околниот простор. Трајановски за прв пат обелодени дека целиот проект ќе чини 80 милиони евра
Со проектот „Скопје 2014“, како што рече Трајановски, централното градско подрачје ќе добие нов изглед и нови содржини, со кои Скопје ќе биде препознатливо и ќе стане метропола.„Градбите ќе ја отсликуваат традицијата и културата во Република Македонија, а на архитектите, уметниците и скулпторите од нашата држава ќе им се овозможи да дојдат до израз“, изјави Трајановски на заедничката прес-конференција со Владимир Тодоровиќ, градоначалник на Општина Центар.
Трајановски за прв пат обелодени дела целиот проект Скопје 2014 ќе чини севкупно околу 80 милиони евра, а на годишно ниво за капиталните инвестииции од овој тип во културата ќе бидат издвојувани од 0,5 до еден отсто од државниот буџет, со што ги демантираше обвинувањата на опозицијата дека проектот ќе чини од 200 до 300 милиони евра.
Проектот прво ќе започне со реализацијата на спомениците на Гоце Делчев и Даме Груев кои ќе бидат готови до средината на оваа година. Како што денеска објасни Тодоровиќ, споменикот на Александар Македонски ќе биде поставен на плоштадот Македонија во втората половина на 2011 г. Според Тодоровиќ, во моментот се работи на споменикот, се отстрануваат ситните грешки, по што ќе следи постапката на лиење во Фиренца.
Двајцата градоначалници останаа на ставот дека проектот се уште е отворен за нови инцијативи. Така на новинарските прашања кој дел од Скопје 2014 го претставува мултиетничкиот карактер на државата, што е една од најголемите забелешки на целата инвестиција, Трајановски одговори:„Овој проект не е завршен, ќе се проширува, надоградува и има простор да се вклопат сите оние нешта кои не биле вклопени до сега“.Тодоровиќ, пак, вели дека лично ќе се потруди втората инцијатива за Бурмали џамијата да биде прифатена од советниците.„Ќе се обидам таа да влезе на дневен ред и по таа иницијатива членовите на Советот да расправаат и да донесат одлука“, рече Тодоровиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.
Македонија
Тошковски – Поклукар: Одлична соработка на полето на безбедноста, Словенија ја дава својата поддршка во секој чекор

Денеска во Охрид, министерот за внатрешни работи Панче Тошковски, оствари работна средба со делегација на Министерството за внатрешни работи на Словенија, предводена од министерот Боштјан Поклукар.
На средбата фокусот беше ставен на унапредувањето на меѓусебната соработка и продлабочување на одличните пријателските врски меѓу двете министерства и полиции во борбата против организираниот криминал, ситуацијата со илегалната миграција, внатрешната контрола и соработката помеѓу центрите за обука на полициските службеници. Македонската делегација на средбата предложи потпишување на Меморандум за разбирање помеѓу Центарот за обука на МВР и словенечката полициска академија за зајакнување на соработката во областа на образованието и заедничките обуки на кадетите и полициските службеници од двете полиции.
Тошковски се заблагодари на министерот Поклукар за целата поддршка што Словенија и словенечкото министерство за внатрешни работи постојано ни ја даваат како министерство и држава, како во справување со пожарите минатата и оваа година така и целата поддршка што ни ја дадоа во справување со последиците од трагедијата која се случи во Кочани оваа година.
„Република Словенија и нивното министерство се едни од клучните партнери и поддржувачи во реформите кои ги правиме, преку користење на нивното знаење и искуство, како за новите закони за полиција и внатрешни работи. Отпочнуваме соработка и во нашата иницијатива за отворање на Регионална асоцијација на полициски академии, обуки за полициските службеници со цел професионализација, доедукација со цел креирање на ефикасна европска полиција“, образложи Тошковски.
ТПотенцираше дека преку министерот Поклукар, пријателската Словенија уште еднаш ја потврдува својата поддршка како еден од нашите најголеми поддржувачи во процесот на евроинтеграции, со тоа што се вложи со целиот негов тим да бидат на располагање на македонските полициски службеници и МВР во однос на исполнување на сите услови и критериуми зададени од Европската унија.
Словенечкиот министер за внатрешни работи Боштјан Поклукар го потенцираше пријателството и соработката што меѓу нашите народи и држави се пренесува и на министерствата за внатрешни работи и потенцираше дека и во иднина можеме да сметаме на нивната целосна поддршка како во искуство и знаење така и на конкретни проекти и ситуации со цел да придонесуваме кон поголема безбезбедност на регионот, нашите држави и нашите народи.
„Наша оценка е дека министерството за внатрешни работи и македонската полиција прават одлична работа и тоа секогаш сум го истакнувал и во Европа како член на советот на министри за внатрешни работи на Европа. Одличната идеја за Регионална асоцијација на полициски академии ќе ја поддржиме и учествуваме во неа за да креираме професионални полиции на Балканот за побезбеден регион за сите. Ние сме веќе сојузници заедно во НАТО и нашата поддршка ќе продолжи во секој ваш чекор кон приклучување во нашето европско друштво на нации каде е и вашето место“, потенцираше словенечкиот министер Поклукар.
Поклукар истакна дека Словенија целосно ја поддржува Македонија на интегративниот пат кон Европската Унија и ја изрази спремноста за помош на европскиот пат кој на крај носи огромни бенефити за граѓаните и функционирањето на институциите и изрази надеж дека заслуженото место на Македонија во ЕУ ќе дојде што поскоро.