Македонија
Советот на Европа бара од Грција да ги признае Македонците
Грција ќе мора да го признае македонското малцинство и да ги вратите имотите на Македонците од Егејска Македонија, како и да ги спроведува одлуките на Судот за човекови права во Стразбур, побара денеска Советот на Европа.
Парламентарното собрание на оваа меѓунардона организација денеска ја прифати Резолуцијата за состојбата со малцинствата, со која од Грција се бара да ја ратификува Повелбата за заштита на националните малцинства. Советот на Европа која делува најмногу во делот на заштитата на човековите права бара oд јужниот сосед да го признае македонското малцинство, но и да работи на тоа да се вратат имотите на Македонците кои во текот на граѓанската војна во 1948 г. ги напуштиле своите домови од Егејска Македонија, денешна северна Грција.Државите-членки на Советот на Европа бараат од Грција i да постапува согласно одлуките на Судот за човекови права во Стразбур во кои се наложува грчките судови да дозволат регистрација на невладината „Дом на Македонската цивилизација“. Во целата резолуција се користи терминот „Macedonian” без никакви додавки.Грција критика за третманот на малцинствата вчера доби и од Стејт департманот. Во извештајот посветен на Грцијa стои дека Стејт департманот констатирал оти македонското малцинство во јужниот сосед има тешкотии во слободно политичко и културно здружување на македонското малцинство. Најголемите забелешки се околутоа што не се признава македонскиот јазик од страна на официјална Атина.„Власта не го признава постоењето на словенски дијалект, наречен ’Македонски’ од страна на луѓето што го говорат во северозападните делови на земјата“, се констатира во извештајот.Со реакција се огласија од партијата „Виножито“. Го поздравуваат извештајот на Стејт департментот, но се противат на употребата на поими како „Словенски дијалект“.„Ова не се поими за самоопределување и би било соодветно во извештај што ги третира човековите права, Стејт Департментот да ги почитува принципите на самоопределување и ја именува оваа група и нејзиниот јазик едноставно како македонска“, се вели во реакцијата на „Виножито“, зад која се потпишани и македонските комитети за човекови права од Канада и од Австралија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.