Транзицијата во Македонија наместо да биде обичен премин од една општествена матрица во друга, се претвори во општествен, политички и вредносен систем, заклучија дискутантите на денешната дебата.

На јавната дискусија на тема Жртвите на транзицијата и нејзините последици, како дискутанти настапија: новинарот Мирка Велиновска, проф. Нано Ружин, м-р Владимир Божиновски, д-р Кире Постолов и професорот Бранислав Саркањац.Според новинарот Мирка Велиновска, нејзината генерација се јавува во улога на креатор и одржувач на транзициониот општествен систем но истовремено е и жртва на истиот.„Ние од една страна сакаме да излеземе од овој систем а од друга страна правиме се со своите професии и професионални ангажмани што подолго да го одржиме во живот,“ рече Велиновска и додаде дека според неа е многу чудно што Македонија е едно општество кое толку жестоко сака промени а истовремено толку жестоко се спротивставува на било која промена што значи реформа.„Денеска е општо познато дека само со книшката на ВМРО ДПМНЕ може да добиете работа,“ рече професорот Нано Ружин.Според него, во Македонија сеуште не се почитуваат доволно граѓанските слободи за да функционира добро демократијата. Ружин истакна дека во државата има забележлива пракса на ксенофобија, и популизам но исто така и на антикомунистички болшевизам, односно дека методите од изминатиот систем сеуште ги употребуваат сите политички партии во Македонија.Д-р Кире Постолов кој ја водеше дебатата, ја опиша транзицијата во Македонија, рецитирајќи стихови од песната „Да полетам“ од изведувачот Слаткар, велејќи дека и помладите генерации се жртви на транзициониот систем.

Јавната дебата се одржа воорганизација на Институтот „Димитрија Чуповски.“