Македонија
Трибина за предлог измените и дополнувања на Законот за оружје
![](https://makfax.com.mk/wp-content/uploads/2016/11/2f834e77-63aa-4404-81a4-e09a94e1ee1f.jpeg)
Во изминатиот период во неколку наврати беа извршени нормативни измени на Законот за оружјето, чија што цел беше не само негово стандардизирање по однос на европската легислатива, туку и по однос на што поквалитетно задоволување на сите аспекти во интерес на граѓаните
Ова денеска го истакна Министерката за внатрешни работи Гордана Јанкулоска, во своето излагање на трибината што се одржа во Центарот за обука во Идризово, а беше посветена на предлог-измените и дополнувањата на Законот за оружје. Констатирајќи ја неспорната и широка конструктивност во претходниот период во кој што содржински беа конципирани предложените измени на Законот, министерката Јанкулоска, уште еднаш го потенцираше фактот дека нема суштински забелешки по однос на предложените нормативни одредби, туку напротив дека е неспорен консензусот околу оправданоста на понудениот предлог со кој се придонесува за дорегулирање на оваа проблематика. Благоја Марковски од невладината “Балкански форум за безбедност“ изрази дилема дали во рамките на понудениот рок од една година за доброволно предавање на нелегалното оружје, тоа треба да се врши само во еден определен седмичен термин, секоја сабота и дали е неопходен рокот од уште седум години за пререгистрација на оружјето легализирано според старите законски норми. Воедно тој сугерираше покренување на иницијатива за регионална акција за доброволно предавање на нелегалното оружје. Џабир Дерала, пак, од невладината организација “Цивил“ предложи уште една поригорозна контрола на оружјето и постриктни критериуми особено во делот на издавањето на дозволите за оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.