По последните укажувања од ОДИХР и ОБСЕ, Владата презеде низа активности за прочистување на избирачкиот список и планирано е до 31 октомври годинава да се заврши процесот, рече денеска во Скопје министерот за правда Михајло Маневски

Извршена е проверка на можни дупли записи на матичните броеви, на државјани кои починале во странство, податоците за починати лица во болниците во Македонија и проверка на податоците во избирачкиот список.Врз основа на податоците изготвени од Државниот завод за статистика и МВР направена е проверка и утврдени се 1.123 дупли записи. Управата за водење матични книги при Министерството за правда заедно со МВР е задолжена до 31 октомври 2010 г. да изврши увид во податоците на матичните книги на родени и умрени лица во сите општини за периодот од 1980 до 2010 г.,  откако во пилот општините Гостивар и Виница е констатирано дека во Избирачкиот список има одредена бројка починати лица.  Оваа одлука, како што речеминистерот за правда Михајло Маневски, Владата ја донела откако се констатирало дека во Гостивар не е евидентирана смртта на 253 лица, а за 363 се утврдени несовпаѓања на податоците. Во Виница 13 умрени лица не се запишани, а евиденцијата за десет лица не се совпаѓа. Проверка е извршена и за државјани на Македонија коишто починале во странство. Од 27 дипломатско конзуларни претставништва и преку МНР добиени се податоци за вкупно 2.361 државјанин од 2000 до 2009 г. и утврдено е дека 1.338 државјани биле евидентирани за починати.Извршена е и проверка на податоци за починати лица во болничките установи во Македонија во 2006, 2007 и 2008 г. и од министерството за здравство добиени се податоци за 8.937 починати лица, од кои 6.754 се запишани во матичната книга на умрени, а 2.183 лица кои имаат пријавено погрешен матичен број не можат да се идентификуваат и се прават дополнителни проверки.Министерот Маневски рече дека е извршена и проверка на податоци во Избирачкиот список и дека од вкупно 2.046.268 државјани, во избирачкиот список се запишани 1.792.000 избирачи.На прашањето дали ова значи дека Владата се подготвува за предвремени избори, претседателот на ДИК, Александар Новаковски одговори дека комисијата е спремна за спроведување на избори без разлика дали тие ќе бидат предвремени или регуларни.Од 15 март до 15 април 2010 г. извршена е непосредна проверка на 80.830 лица од вкупно 134.699 кои, според податоците на МВР од март 2009 година, биле евидентирани во Избирачкиот список но не и дека поседуваат важечка патна исправа или лична карта. Утврдено е дека 49.981 живеат на адресата на која што се евидентирани во Избирачкиот список, но немаат документи, 16.771 лице дека се наоѓаат во странство според сознанијата од роднини и соседи, 10.817 лица биле иселени но непознато е каде, 2.270 лица имале почнато постапка за вадење документи, а 1.034 лица биле починати.  Во проверките се констатирани и дупли записи на единствени матични броеви, а иницирана е и проверка на бројот на починатите македонски државјани во странство и во болнички услови.Министерката за внатрешни работи Гордана Јанкуловска не коментираше колку вкупно имиња на починати лица има во Избирачкиот спиок, но посочи дека станува збор за обемна и комплексна операција и оти сите починати лица ќе бидат избришани од него.Според податоците од мај 2010 година во регистарот на население на Република Македонија се запишани два милиони 22 илјади и 547 жители, во регистарот на државјани два милиони 406 илјади и 268 лица. Полнолетни државјани се еден милион 878.297 лица, додека малолетни се 527.971 лице. Во Избирачкиот список се запишани еден милион 792 илјади избирачи. Разликата меѓу бројот на население и државјаните, Јанкуловска го објаснува со фактот дека лицата кои недостасуваат не се попишани бидејќи не биле во Република Македонија за време на пописот или физички биле отсутни кога се вршела постапката. Според Јанкулоска, процентот гласачи во државата е во вообичаени рамки.Министерот за правда Маневски информираше дека многу скоро ќе бидат објавени новите измени на Изборниот законик, во кои се опфатени и решенијата за гласање на дијаспората, изготвени користејќи ги искуствата од земјите каде веќе има вакво гласање. Јанкуловска рече дека ќе бидат упатени јавни повици до лицата кои не живеат во Македонија да ги ажурираат своите граѓански статуси. Исто така се повикуваат граѓаните кои не живеат во Македонија повеќе од три месеци исто така да го одјават својот престој од земјата.За што посеопфатно ажурирање на Избирачките списоци, Владата побарала дипломатско-конзуларните претставништва да ги ажурираат податоците за умрените македонски државјани во странство и да праќаат копии од нивните изводи, Министерството за транспорт и врски да подготви измени на Законот за гробишта и погреби, така што да не може да се изврши погреб без документи, и тоа да биде казниво.