По повод празникот 8. септември, Денот на независноста на Република Македонија, Претседателот Ѓорге Иванов доби честитки од голем број шефови на држави од светот, соопштуваат од неговиот Кабинет

Барак Обама, претседателот на САД во својата порака уште еднаш го потенцира македонскиот придонес кон светската безбедност.„Ја поддржуваме Македонија која продолжува на реформскиот пат и се движи кон интеграција во евро-атланските институции. Верувам дека нашето партнерство дополнително ќе се засили и продлабочи како што ја продолжуваме нашата соработка за да оствариме толеранција, мир и просперитет за да го унапредиме човековото достоинство ,“ пишува во пораката од претседателот Обама до неговиот колега Иванов.Германскиот Претседател Кристјан Волф во својата честитка по повод 8 Септември упатена до Иванов порачува: „доближувањето на Вашата земја до евроатланските структури претставува голем предизвик кој бара готовност за реформи и политичка далекувидност. Препораката на Европската Комисија за отпочнување на преговорите за членство е важен успех.“ „Италија останува убедена дека комплетното вклучување на западниот Балкан во процесот на евро-атланската интеграција е суштински услов за реализирање на главната цел – стабилност и економски и социјален развој на регионот. „Убеден сум дека во рамките на заедничката евро-атланска припадност нашите веќе плодни билатерални односи ќе можат дополнително да се развиваат,“ вели во пораката претседателот на Италија Џорџо Наполитано,И грчкиот шеф на државата, Каролос Папуљас, упати честитка по повод 8 Септември во која се вели: „По повод националниот ден на Вашата држава, би сакал во име на грчкиот народ и во мое лично име да Ви ги упатам моите најдобри желби за просперитет, благосостојба и напредок на поранешната Југословенска Република Македонија и нејзиниот народ.“Претседателот Иванов по повод големиот празник прими честитки и од Претседателот на Република Литванија, Далиа Грубаускатие, Претседателот на Претседателството на Босна и Херцеговина Харис Силајџиќ, Мишел Жан, Генерален Гувернер на Канада, Квентин Брајс, Генерален Гувернер на Комонвелтот Австралија, Кралот на Саудиска Арабија Абдула бин Абдулазиз ал Сауд и принцот Султан бин Абдулазиз ал Сауд и Асиф Ал Зардари, Претседател на Исламска Република Пакистан.