Македонија
Амнести интернешнал: Владата да признае за затворањето на Ел- Масри

Во најновиот извештај објавен денеска, Амнести Интернешнал ја повикува македонската влада да ги изведе пред лицето на правдата сите кои се сметаат за одговорни за како што велат „незаконското затворање на германскиот државјанин Калед ел Масри, и неговото незаконско предавање на американските власти“.
Македонија е една од осумте европски земји кои се наведени во најновиот извештај на Амнести Интернешнал – „Отворена тајна: Доказите за европското соучество во пренесувањето и тајното притворање“.
Во извештајот се наведени најновите докази за вмешаност на европски земји во програмите на ЦИА за незаконско пренесување и тајно затворање кои беа спроведени како последица на нападите во САД на 11 септември 2001 година, соопштуваат од Амнести интернешнал.
Македонските власти се обвинети за помагање при незаконско затворање, лош третман и понатамошно пренесување во Авганистан, предводено од ЦИА, на германскиот државјанин Калед ел Масри, кој беше уапсен на македонско – српската граница во 2003 година, и 23 дена држен во хотел во Скопје, пред да им биде предаден на американските власти. Потоа бил префрлен во Авганистан, каде, како што тврди, бил малтретиран и лошо третиран.
Амнести Интернешнал смета дека ниту една земја не треба да бега од одговорноста за нејзината вмешаност во незаконските префрлувања, присилните исчезнувања, мачења и тајните затворања кои се случија при спроведувањето на операциите од страна на ЦИА. „Владата на Македонија има обврска кон човековите права да овозможи своја целосна одговорност за овие наводни прекршоци,“ велат од таму.
Во 2009 година Калед ел Масри поднесе пријава против Македонија пред Европскиот суд за човекови права, за улогата на Владата во неговото незаконско грабнување, затворање, лош третман и предавање со ризик дека може да биде измачуван. Во октомври 2010 година, Судот ја предаде пријавата на Калед ел Масри на македонската влада, барајќи одговор од неа. Властите не одговорија на претходните кривични и граѓански пријави поднесени од страна на Калед ел Масри пред македонските судови, велат од Амнести интернешнл.
Ова е прв случај кој ќе биде разгледуван од страна на Европскиот суд за човекови права, а кој се однесува на земја членка на Советот на Европа обвинета за вмешаност во програмите на ЦИА. Македонија и понатаму одрекува дека нејзините агенти дејствувале спротивно на законот./крај/соопштение/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Демократски сојуз: Езерото Треска е на скопјани

Демократскиот сојуз бара Советот на Град Скопје и градоначалникот на Скопје да ги преземат сите законски мерки за да спречат Езерото Треска да се одземе од граѓаните на Скопје. Од партијата велат дека езерото е градено со самопридонес на граѓаните на Скопје и никој друг нема право да располага со него.
„Воедно ја повикуваме и Владата да ги активира државните институции за да спречат уништување на езерото и претворање на истото во градилиште и профит на урбаната мафија. Независно какви сè постапки се спроведени, граѓаните на Скопје на референдум одлучија да се гради, за тоа платија и никој друг на смее локацијата да ја пренамени и да ги лиши граѓаните од рекреативен центар толку потребен на сите“, соопшти ДС.
Македонија
Нови интерактивни табли во битолските основни и средни училишта

Во текот на вчерашниот и денешниот ден, во дел од основните и средните училишта во општина Битола комплетно беа поставени нови 10 интерактивни табли, за осовременување на наставниот процес.
Со средства од Општина Битола во вредност од над 630.000 денари ,интерактивни табли заедно со проектори, добија основните училишта „Александар Турунџев“, „Елпида Караманди“, „Крсте Петков Мисирков“, „Стив Наумов“, „Трифун Пановски“ и „Кирил и Методиј“, како и средните општински училишта „Ѓорѓи Наумов“, „Д-р Јован Калаузи“ и „Јане Сандански“.
Со овие интерактивни табли значително се подобруваат условите за квалитетна настава, се унапредува квалитетот, практичноста и видеокомуникацијата.
Македонија
Фити: Реформите не смеат да се одложуваат

Реформата на основното образование треба да почне со радикално преиспитување на наставните содржини по одделни предмети и од нив треба да се исфрли сè што е несуштинско и да се фокусираат на битните, трајните работи, рече академик Таки Фити по денешната дебата на членовите на Одделението за општествени науки на МАНУ и на Центарот за стратегиски истражувања на МАНУ со претставници на МОН, Бирото за развој на образованието и на работната група што ја изготви концепцијата за основно образование.
„Не можеме да ги отфрлиме фактите. Учениците мора да знаат факти, бидејќи науката се гради со факти, но тоа не е куп на факти, туку факти коишто се меѓу себе поврзани, причинско-последичните врски, критичко размислување во логична и конзистентна целина. Без тоа не можеме. Поврзување на работите, односно имплементирање на она што во тие национални стандарди, како што ги вика стратегијата, е означено како претприемништво. Но, не претприeмништвото како предмет, претприемништвото како филозофија на размислување и на однесување. Гледање на можности, откривање можности, искористување можности. Од најмали нозе тоа треба да се прави“, рече академик Фити.
Фити посочи дека сите се согласиле дека реформите во основното образование се императив.
„Реформите не смеат да се одложуваат затоа што многу лошо стоиме и во поглед на длабочината на знаењата и во поглед на опсегот, значи и во поглед на квантитетот и квалитетот на знаења на нашите основци, споредени со оние на нивните врсници во високоразвиените земји, членки на ОЕЦД, и тука постојат факти, постојат меѓународни мерења коишто тоа апсолутно го потврдуваат и тој јаз има тенденција да се проширува. Затоа со реформи треба веднаш да се почне“, посочи академик Фити.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот