Македонија
МВР: Муслиу ги фалсификувал досиејата за да и се оддолжи на ДПА

Поранешниот началник во Управата за безбедност и контраразузнавање, Хисен Муслиу, кој што вчера беше уапсен, во разговорот во полицијата признал дека досиејата ги фалсификувал по налог на ДПА
„Во разговорот во полициска станица, приведениот признал дека материјалите ги имал пред да бидат објавени и дека на истиот му биле дадени од најтесното раководство на ДПА. Мотивот за неговото инволвирање, како што кажал во разговорот, бил да и се оддолжи на партијата и ветувањата кои ги добил за одредени позиции по евентуалното враќање на власт“ изјави помошник-министерот за внатрешни работи, Иво Котевски.Муслиу беше приведен синоќа во неговиот дом во Тетово во рамките на акцијата под работно име „Фалсификатор“ која МВР ја спроведе за утврдување на начинот на кој се изготвувани и проследувани фабрикуваните материјали.Акцијата почнала, откако Комисијата за лустрација ги отфрли досиејата Мама, Вујко, Ибар и Стрелец, како фалсификати.При претресот во неговиот дом полицијата одзела два персонални компјутери, две мемориски УСБ картички, неколку мобилни телефони и две уплатници со кои преку „Вестерн унион“ биле исплаќани пари на име Божидар Спасиќ, поранешниот шеф на специјалниот тим на Југословенска Служба за државна безбедност одговорен за албанската емиграција.Од досегашната анализа на одземените предмети, во компјутерите биле пронајдени 4-те фабрикувани досиеја, но и материјали кои наводно потекнуваат од германската служба БНД во кои најверојатно требало да се направат интервенции.Ова полицијата го поткрепува со фактот што покрај на германски јазик, имало подготвено и одредени страници со различен фонт, погрешни зборови на германски јазик, но и зборови на српски јазик. Исто така пронајдена е и фотографија на која е направен обид за фото монтажа на лидерот на ДУИ со извесниот Божидар Спасиќ.Материјалите кои биле пронајдени ќе се споредуваат и со денешното досие кое беше доставено до Комисијата за лустрација, од германската тајна служба, а во кое се споменуваше името на Али Ахмети.Според МВР, на Спасиќ во периодот од мај до октомври, во четири наврати му биле исплатени околу 4.500 евра.Моментално Муслиу сè уште се наоѓа во полициска станица во Скопје, каде се вршат информативни разговори.Во моментов се разгледуваат повеќе основи за негов кривичен прогон по Кривичниот Закон, Законот за лустрација и Законот за класифицирани информации и по целосното документирање и комплетирање на случајот, против него ќе биде поднесена соодветна кривична пријава“ велат од МВР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Автобус на ЈСП се судри со две возила кај Шумарскиот факултет

Нема повредени патници во автобусот на ЈСП, по сударот со два автомобили кај Шумарскиот факултет. Оттаму информираат дека е причинета само материјална штета.
Досега, како повредени се пријавени три лица кои се превезувале со автомобилите.
„Според изјавата на возачот на автобусот дадена на внатрешната контрола на ЈСП Скопје, незгодата се случила околу 15 часот во момент кога автобусот (ЛАЗ) кој сообраќал на линија 50 стоел на автобуската постојка кај Шумарски факултет, за влез/излез на патници, и во него од позади удрило едно од двете патнички возила кои учествувале во незгодата“, информираа од ЈСП.
Од ЈСП велат дека МВР работи на целосно расчистување на случајот.
„Апелираме на поголема внимателност на сите учесници во сообраќајот, со цел избегнување на евентуални човечки жртви и поголеми материјални штети“, додаваат од ЈСП.
Македонија
Димовски на местото на Ѕинго на чело на Социјалистичката партија

Пратеникот Љупчо Димовски е избран за нов претседател на Социјалистичката партија, на денешниот конгрес, кој се одржа во Кратово. Тој доаѓа на местото на Љубисав Иванов – Ѕинго, кој 25 години беше претседател на социјалистите, а почина во ноември, минатата година.
Димовски е поранешен министер за земјоделство во една од владите на ВМРО-ДПМНЕ, и е еден од петтемина пратеници кои беа обвинети, а потоа амнестирани за насилствата во парламентот на 27 април.
Димовски е дипломиран економист. Роден е во Велес на 9 април во 1959 година. До 2008 година работи како генерален директор на ЈП „Паркови зеленило“-Скопје. До 2009 е заменик министер за транспорт и врски, а потоа до 2014-та е министер за земјоделство, шумарство и водостопанство. Од 2014-та, Димовски е пратеник во Собранието на Република Македонија.
Лидерот на ВМРО-ДПМНЕ Христијан Мицкоски меѓу првите му го честиташе на Димовски изборот за претседател на Социјалистичката партија.
„Честитки за изборот на Љупчо Димовски за прв човек на СПМ. Вистинско решение. Чесен и искрен човек кој ја сака и покажа како се бори за Македонија и покрај сите напади и бури! Љубац, пријателе, заедно да го победиме ова зло и да се избориме за Македонија, до самиот крај!“, порача Мицкоски.
Честитки за изборот на Љупчо Димовски за прв човек на СПМ. Вистинско решение. Чесен и искрен човек кој ја сака и покажа…
Posted by Hristijan Mickoski on Saturday, January 16, 2021
Македонија
Нови 361 случаи на коронавирус, оздравени се 2.116 пациенти, а починаа 14 лица

Во последните 24 часа се направени 2176 тестирања, а регистрирани се 361 нови случаи на ковид-19 во: Скопје-164, Куманово-17, Тетово-12, Прилеп-15, Гостивар-16, Штип-8, Битола-4, Велес-16, Охрид-13, Струмица-9, Кавадарци-8, Струга-5, Кочани-9, Кичево-10, Гевгелија-2, Неготино-4, Делчево-6, Дебар-7, Крива Паланка-5, Ресен-9, Радовиш-4, Берово-7, Виница-1, Валандово-2, Македонски Брод-1, Кратово-3, Крушево-2, Пехчево-2.
Денеска Институтот за јавно здравје регистрира 2116 оздравени пациенти од: Скопје-1489, Куманово-6, Тетово-139, Прилеп-19, Гостивар-58, Штип-8, Битола-80, Велес-45, Охрид-3, Струмица-55, Кавадарци-35, Струга-5, Кочани-15, Кичево-33, Гевгелија-23, Неготино-26, Свети Николе-10, Делчево-16, Дебар-9, Ресен-13, Радовиш-5, Берово-1, Виница-6, Пробиштип-4, Валандово-3, Демир Хисар-9, Крушево-1.
Починати се 14 лица, шест пациенти од Скопје (55, 53, 80, 58, 61, 46г), еден од Куманово (75), двајца од Тетово (60 и 70г), еден од Прилеп (79г), еден од Охрид (55г), двајца пациенти од Струмица (73 и 69г) и еден пациент од Струга (77г). Од нив тројца се починати вон, останатите во болнички услови.
Вкупната бројка на ковид дијагностицирани во нашата земја од почетокот на епидемијата изнесува 88749, бројката на оздравени пациенти е 71592, на починати е 2696, а бројот на активни случаи изнесува 14461. Oд вчера се регистрира еден контролен тест, а според досега завршените епидемиолошки анализи во моментов дистрибуцијата по градови е следна:
• Скопје 38493, активни 8653
• Куманово 4998, активни 487
• Тетово 4950, активни 576
• Прилеп 4455, активни 300
• Гостивар 3531, активни 402
• Штип 3429, активни 194
• Битола 3166, активни 290
• Велес 2949, активни 363
• Охрид 2646, активни 452
• Струмица 2465, активни 405
• Кавадарци 2380, активни 436
• Струга 2131, активни 195
• Кочани 1696, активни 149
• Кичево 1655, активни 167
• Гевгелија 1244, активни 185 (81 заболени лица од ПЕ Гевгелија се жители на Дојран, 214 на Богданци)
• Неготино 1110, активни 209 (177 заболени лица од ПЕ Неготино се жители на Демир Капија)
• Свети Николе 1061, активни 61
• Делчево 716, активни 220 (188 заболени лица од ПЕ Делчево се жители на Македоснка Каменица)
• Дебар 711, активни 132
• Крива Паланка 702, активни 99
• Ресен 701, активни 121
• Радовиш 673, активни 77
• Берово 564, активни 61
• Виница 475, активни 53
• Пробиштип 472, активни 30
• Валандово 325, активни 30
• Демир Хисар 240, активни 18
• Македонски Брод 237, активни 17
• Кратово 209, активни 17
• Крушево 190, активни 36
• Пехчево 175, активни 26
Направените 2176 теста се преку: ИЈЗ-352, ЦЈЗ Скопје-78, Авицена-274, Биотек-206, МАНУ -106, Жан Митрев (Филип Втори)-124, Систина со PCR метода -196, лабораторија Лаор –128, Судска медицина-2, ЦЈЗ Битола-77, Инфективна клиника-2, ГАК-0, Синлаб-46, Ремедика-24, лабораторија болница Козле-36, ЈЗУ (рапид тест) -525, УК Пулмологија со алергологија –0, лаборатории од странство-0. Досега во земјата се направени вкупно 430.182 тестирања на Ковид -19.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира