Нова Демократија (Демокрација е Ре) бара Буџетот за 2011 г. да биде гласан во Собранието според Бадинтеровото правило, затоа што според нејзиниот лидер Имер Селмани со него се вршела буџетска дискриминација врз Албанците.„Актуелната Влада предложи, а пратениците од парламентарното мнозинство се подготвуваат наредните три дена да го бранат и гласаат Буџетот на државата за 2011 г.Овој буџет ќе продолжи да ја изолира уште повеќе државата, овој буџет уште повеќе ќе ги осиромашува нашите граѓани, ќе ги дискриминира граѓаните Албанци, ќе ги цица парите од бизнис секторот, но нема да ги подобри условите за бизнис и отворање на нови работни места.„, рече лидерот на Нова Демократија, Имер Селмани“Според него, сумата од 2,6 милијарда евра којашто актуелната Влада имала намера да ги троши главно за неразвојни намени јасно, укажува дека нејзин приоритет не е подобрување на стандардот на живеење и отворање нови работни места.„Напротив, Владата и наредната година ќе продолжи во оваа површина од два квадратни километра, да инвестира стотици милиони евра во споменици, фонтани, скулптури и луксузни владини згради, додека жителите на Брест и многу други села немаат патишта, жителите на Гостивар и многу други места немаат филтрирана вода за пиење, жителите на Арачиново се гушат од каналот, многу деца учат во субстандардни услови, а во многу општини недостигаат училишни објекти за средно образование. Над 30 отсто од населението немаат работа и живеат во сиромаштија, а младите дипломираат и немаат работа…“, рече Селмани од плоштадот„ Скендербег“.Тој направи споредба дека во Буџетот биле планирани средства коишто идната година треба да се вложат во економските зони во земјата толку колку што чинел и еден споменик.Лидерот на Нова Демократија пред новинарите рече дека биле одбиени повеќе од 400 амандмани што неговата партија ги предложила повеќе за, како што посочи Селмани, да се подобри состојбата, за училишта, за инфраструктура, за здравството и за културата на Албанците./крај/со/сн