Црно-белата вечер во Битола во организација на Лајонс клубот од Битола, со одржа синоќа, во која се обојуваа боите на пријателството, филантропијата, подарувањето, желбите за среќа, радост и љубовта пред сезоната на големите празници во кои сите помалку или повеќе се навраќаме на грижата за другиот и желбата да се сподели радост.Како што јави телевизијата Тера, црно-белата вечер се одржа по четврти пат, од кога е формиран клубот во Битола за пријателство на Лајонсите од Македонија и Грција. „Задоволен сум што заедно оваа вечер покажуваме хуманост и добро дело за една посебна категорија на лица во заедницата, а тоа се лицата со посебни потреби на кои и овогодишната помош ќе им биде од големо значење“ рече Маркос Триполитакис – генерален конзул на Грција во Битола.Средствата собрани од Црно-белиот бал годинава се наменети за проект за лицата со посебни потреби во Битола.„ Собраните средства оваа година решивме да ги донираме за изработка на проект и реализација на Парк за лица со посебни потреби во Битола, тоа ќе биде прв парк од таков тип кај нас и затоа ни е важна секоја и секаква поддршка“ рече Евгениј Милошевски-претседател на Лајонс клубот-Битола.Лајонизмот во Македонија си го добива вистинското место во делот кога овие луѓе вложувајќи се себеси, ја помагаат заедницата.„ Ова е и уште една потврда дека она што се прави во Битола е вистинското нешто во помагањето на заедницата. И особено е  важно што Битола ќе го добие паркот за лица со посебни потреби. И претходните донации што битолските лајонси ги реализираа имаат големо значење за луѓето кои ги помагаме ние“ рече Јордан Савевски, Гувернер на Дисктриктот 123.На Црно-белиот бал беше присутна и амбасадорката на Грција во Македонија Александра Пападопулос, а свечено беа прогласени и новите членови на ова друштво. Претходните три бала беа посветени на пријателствата со Турција, Словенија и Хрватска. /крај/тера/ап/