Исплатата на воениот инвалидски додаток е извршена и деновиве корисниците треба да ги добијат средствата, информираат од Министерството за труд и социјална политика, Откако претходно здружението на бранителите „Достоинство“ јавно побара од МТСП исплата на воениот инвалидски додаток

„Исплатата и трансферот на средствата од наша страна е извршен и треба деновиве да стигне до крајните корисници“, велат од МТСП.Претседателот на здружението на припадници на безбедносните сили, Стојанче Ангелов, денеска побара до петок да биде извршена исплата на заостанатиот инвалидски додаток, а во спротивно најави собир пред министерството. Здружението на припадници на безбедносните сили „Достоинство“ денеска од Министерството за труд и социјална политика побара исплата на воениот инвалидски додаток, кој според нив доцни и ја става под знак прашање егзистенцијата на воените инвалиди.Според Стојанче Ангелов, претседател на здружението, со неисплатата на додатокот се засегнати околу 3.000 воени инвалиди и семејства на загинати припадници на безбедносните сили.„Во оваа прилика апелираме до министерот Бајрами најдоцна до петок да извршат исплата на воената инвалиднина и семејната пензија. Во спротивно, ќе бидеме принудени да ги собереме воените инвалиди и членовите на семејствата на загинатите пред министерството за труд и социјална политика“, рече Ангелов.Образложението што припадниците на „Достоинство“ го добиле од МТСП било дека има недостаток на средства, но и дека се ставени на листа за чекање.Од „Достоинство“, исто така, информираат дека до Собранието поднеле иницијатива за измени на Законот за обезбедување на лица и имот, со цел укинување на забраната, според која, припадниците од безбедносните сили две години по завршувањето на службата не можат да полагаат за лиценца за обезбедување.