Македонија
Бучковски: Ова е оркестрирана хајка против мене
Поранешниот премиер, сега пратеник, Владо Бучковски и неговиот адвокат денеска два часа се расправаа со судијата Дијана Илиевска Гуевска , дали неговото отсуство од судско рочиште било оправдано или не. Расправијата почна кога судијата кажа дека добила известување од Собрание дека патувањето на Бучковски во Израел не можело да се смета за службено. Веднаш следеше бурна реакција на Бучковски кој се обидуваше на судијата да и објасни дека направила грешка во процедурата : „Вие се сомневате дека поранешен премиер не знае што е патен налог? Верувате во известување кое не е поткрепено со докази? Вие сте под силен притисок и ослободете се од тоа”, се обрати Бучковски кон судијата и напомена дека службеничка во Собранието останал без работа заради судиска грешка. На тоа судијата му рече дека суспендирањето на службеничката е на негова совест. Бучковски упорно инсистираше се што ќе каже да се внесе во записник затоа што со адвокатот се сомневаат во водењето на записниците кои ги немаат на увид оти судијката така сакала. Тврдеше дека целата ситуација е само оркестрирана хајка против него. Бучковски реагираше и на соопштението на Судот кој на веб страната објавил дека Бучковски ќе биде стражарно приведен, податок кој никогаш не се објавува на официјални веб старници. Судијата остана на ставот дека тој и останатите обвинети наоѓаат различни начини како да одложат судење и да го развлечат процесот. Затоа таа се посомневала во патувањето на Бучковски и одлучила да го спроведува стражарно. По подолгата расправија како работи собранието и цитирање на деловникот, и анализа на работата на судот судскиот процес продолжи со сослушување на обвинетите. /крај/км/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.