Македонија
Промовиран проект за електронски формулари во аптеките
Министерот за информатичко општество Иво Ивановски, денеска го промовираше проектот за електронски формулари во „Алпи фарм“ аптеките. Целта на проектот е да се подобри ефикасноста на администрацијата и услугата на граѓаните на Република Македонија. „Било која аптека во Македонија може да се поврзе преку системот, кој што го има поставено Министерството за информатичко општество и администрација, со Фондот за здравствено осигурување и можат да комуницираат на еден ефикасен начин со тоа што требувањето на лекарства ќе биде веднаш електронски проверено во Фондот за здравственото осигурување“, вели Ивановски. Тој додаде дека секоја аптека ќе има можност по електронски пат да пополни формулари за состојбата на залихи на лекови и да достави месечен извештај до Фондот. Директорката на Фондот за здравствено осигурување, Маја Парнарџиева Змејкова изјави дека досега комуникацијата меѓу фондот и аптеките била преку хартиена или ексел форма, што преставувало проблем фондот да ги исчита и да добие сознанија за реалната состојба на лековите во аптеката. „Сега значително се скратува и времето за добивање на податокот и форматот кој што ќе биде лесен за аптеките, а корисен за фондот. Со овој вид на електронска форма ќе можеме понатаму да ги развиеме и понатамошните и други комуникации што ги имаме со аптеките, а понатаму и со другите здравствени установи доколку Министерството за информатичко општество ни помогне “, рече Парнарџиева Змејкова. Светлана Ботева, директорка на „Алпи фарм“ аптеки, вели дека со овој систем ќе се подобри целиот процес на работењето и ќе се добие поквалитетна услуга од страна на аптеките. Засега проектот е достапен само во десет аптеки, а набрзо од 1-ви април ќе треба да стартува и во другите. Воведувањето на ваквиот електронски формулар во Република Македонија може да се најде меѓу првите 20 земји во Европската Унија при оценувањето на електронската софистицираност. Оценувањето се врши од Европската Комисија која секоја година донесува извештај за рангирањето на земјите во ЕУ и пошироко, велат од Министерството за информатичко општество./крај/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Џафери за порасната трева околу Владата: Градоначалничката доби соодветен одговор со изборниот резултат, граѓаните гледаат и вреднуваат
Техничкиот премиер Талат Џафери по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
„Разбирам дека има реакции по тоа прашање. Според процедурите и прописите, земјиштето е сопственост и во надлежност на Град Скопје. Според договореното и обврските, ‘Паркови и зеленило’ како јавно претпријатие што се грижи за изгледот на градот е надлежно и за оваа работа. Владата ниту има предвидено средства ниту, пак, може да предвиди средства за работи што се надлежност на друга институција. Во овој контекст, јас жалам што излезе вака, но, секако, и на изборите соодветен одговор доби и градоначалничката на градот Скопје во однос на изборниот резултат. Граѓаните гледаат, граѓаните оценуваат, вреднуваат и си го дадоа својот одговор“, рече Џафери.
Нова алтернатива, партијата која на изборите ја предводеше градоначалничката Данела Арсовска, освои 3.516 гласа, односно 0,35 отсто од гласовите на запишаните избирачи.
Македонија
(Видео) Џафери: Груби ниту е Влада ниту е партија
Ниту Европскиот фронт ниту ДУИ не повикува ниту, пак, мотивира на бојкот, беше оставено на слободната волја на граѓаните да ја изразат на гласачкото место, рече премиерот Талат Џафери на денешната прес-конференција.
Во однос на бојкотот на Артан Груби на вториот круг на претседателските избори, Џафери рече дека неговиот став е индивидуален и дека не став ниту на Владата ниту на партијата.
„Индивидуалните ставови не може да се претставуваат како генерални ставови на субјектот. Груби ниту е Влада ниту е партија. Јас имав изјава како премиер на избирачкото место и потврдив дека ги зедов двете ливчиња и гласав. Индивидуалниот став не е општ став по кој може да се извлече заклучок. Нека си е министер, индивидуа е во однос на Владата, не е став на Владата, ниту на партиските органи. Индивидуално може да каже што сака, тоа е слобода и на мисла и на изразување“, одговори Џафери и додаде дека не може да се повикува на одговорност.
Македонија
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки. Згора на тоа, позицијата што ја имаме е паневропска позиција.
Ова го изјави вршителот на должноста премиер на Бугарија, Димитар Главчев по победата на кандидатот на ВМРО-ДПМНЕ Гордана Силјановска-Давкова на претседателските избори во Северна Македонија, јави „БГНЕС“.
„Да почекаме да видиме каква влада ќе се формира во Северна Македонија“, рече привремениот премиер.
Главчев додаде дека Бугарија нема повеќе да прави отстапки во однос на пристапните преговори на РСМ во ЕУ и ставот што го имаат е паневропската позиција.
„На нашите пријатели од Северна Македонија мора да им биде јасно дека ако не ги почитуваат барањата за прифаќање членство во ЕУ, тоа нема да функционира“.