Македонија
„Павел Шатев“: Опозицијата да се врати во Собранието

Опозициските партии кои ја бојкотираат работата на Собранието да се вратат во парламентарните клупи, бидејќи нивните барања се деструктивни, вака денеска заклучија експертите на трибината на институтот „Павел Шатев“.
Според претеникот Александар Николовски од ВМРО-ДПМНЕ бојкотот на Собранието е несоодветен чекор, кој како што рече не е својствен за ниту еден европски парламент.
Тој смета дека СДСМ прават насилнички обид да дојдат на власт, но смета дека тој е залуден, бидејќи како што рече отсуствува поддршката од гласачите.
Тодор Пендаров, портпарол на Собранието смета дека опозицијата има доволно простор да ја презентира својата платформа, но вели дека опозициските партии не ја артикулираат својата политичка програма, туку бројат колку амандмани се усвоени.
Поранешниот министер за надворешни работи Слободан Чашуле вели дека барањата на опозицијата да се вратат во законодавниот дом се деструктивни и смета дека најголема казна за нив е да има предвремени избори.
Бојкотот вели чашуле никој не го одобрува и убеден е дека опозицијата ќе се врати во Собранието, бидејќи смета дека не и успева да создаде критична маса.
Професорот Јован Донев, рече дека СДСМ и нејзините како што истакна сателити претставуваат опасна групација која користи политички речник на тоталитаристичка партија.
Вели дека тие секогаш зборуваат против што се, а не за што се бидејќи според него немаат аргументи./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионална иницијатива за превенција од пожари на Западен Балкан

Во услови на зголемени ризици од пожари, започна регионална иницијатива за подигање на свеста за управување со пожари на ниво на предел во земјите од Западен Балкан. Иницијативата, поддржана од Министерството за земјоделство, шумарство и водостопанство, има за цел да го поттикне интегрираното и одржливо управување со екосистемите, наместо традиционалниот пристап што се фокусира исклучиво на гаснење.
Пожарите оставија сериозни последици врз природата, економијата и животот на граѓаните, а над 90% од нив се предизвикани од човечка невнимателност — факт што укажува дека превенцијата е клучна.
Преку интерсекторска соработка, јакнење на локалните капацитети и активности на терен, иницијативата тежнее да создаде предели и заедници отпорни на пожари.
„Природата е наша заедничка одговорност. Со здружени напори можеме да постигнеме нула пожари предизвикани од човечки фактор,“ велат од Министерството.
Македонија
Гром го предизвикал пожарот во велешката фабрика, велат од „Мирана“

Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат од компанијата „Мирана“ преку официјално соопштение.
Од ударот се оштетени дел од просториите на „Биокосмос“ и, како што посочуваат од таму, тие привремено ќе бидат надвор од употреба додека не се санира штетата.
Фабриката „Мирана“, која се наоѓа во истиот индустриски комплекс, не била зафатена од пожарот и производствениот процес таму продолжува непречено.
Во пожарот нема повредени лица.
Центарот за управување со кризи, претходно денес информира дека пожарот бил целосно локализиран рано утрово, околу 4 часот. Според информациите на ЦУК, огнот зафатил магацински простор со фрижидери и канцеларии со документација, а на неколку места сè уште се забележува слабо чадење.
Иако пожарот е ставен под контрола, службите сè уште се на терен за да спречат повторно разгорување, со оглед дека на одредени локации сè уште се јавуваат чадења.
Македонија
(Видео) Едниот качен на хауба, друг вози без дозвола – поднесени пријави за скопјаните кои дивееа низ улиците

Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и непромислена „возачка забава“ по скопските булевари.
Во видеото се гледа како едно лице стои на хаубата од автомобил во движење, а возачот, покрај тоа што управува без дозвола, вози и без регистарски таблици. Станува збор за 20-годишниот С.З. и 19-годишниот Р.Ѓ., двајцата од Скопје. Против нив се покренати поднесоци по неколку основи, вклучително и управување без возачка дозвола, загрозување на сопствената и туѓата безбедност, како и дозволување управување на лице без дозвола.
Од МВР информираат дека лицата биле веднаш повикани на службен разговор, а полицијата презема и дополнителни активности за целосно расчистување на случајот.