Македонија
Вељаноски закажа уште една координација за утре

Собранискиот спикер Трајко Вељаноски, денеска повторно со писмен допис ги повика потпретседателите и координаторите на пратеничките групи во парламентот, како и вицепремиерот за евроинтеграции Васко Наумовски, да присуствуваат на координациската средба која ја закажа за утре напладне
На дневниот ред на координативната средба Вељаноски предлага разгледување на прашањата за основање парламентарна комисија за утврдување на состојбата со избирачкиот список, измени и дополнувања на Изборниот законик (согласно препораките на ОБСЕ/ ОДИХР) и измени и дополнувања на Законот за Судскиот совет, согласно препораките на ЕУ.Во писмената покана тој потсетува на обврските кои што пратениците ги имаат преземено и на улогата на Парламентот во целина.„Парламентарниот политички дијалог треба да се одвива во континуитет без оглед на тоа колку се големи недоразбирањата меѓу политичките партии застапени со Собранието. Наша обврска како пратеници е постојано да ја јакнеме довербата во општеството, да го одржуваме жив парламентарниот субјективитет и да ја искористиме ширината на механизмите кои ни стојат на располагање за разговор и за решавање на секое спорно прашање“, наведува Вељаноски во поканата.Предложените точки на дневниот ред на закажаната координативна средба како што вели се парламентарни прашања и по нив треба заеднички да се разговара и договара во Собранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сарај и Кисела Вода денеска без струја

Од ЕВН Македонија АД известуваат дека поради технички зафати во електродистрибутивната мрежа денеска без електрична енергија ќе останат:
– Во периодот од 08:15 – 14:00 часот дел од село Кондово пред Медреса, општина Сарај;
– Во периодот од 09:00 – 12:00 часот делот позади Стаклара, општина Кисела Вода;
– Во периодот од 09:00 – 12:00 часот МВ Каменик, с.Усје, општина Кисела Вода.
Македонија
Без вода денеска Кисела Вода и Карпош

Регионалниот центар за управување со кризи на Град Скопје, по добиеното известување од ЈП Водовод и Канализација – Скопје, информира дека денеска ќе има прекин на водоснабдување на улицата Невена Георгиева Дуња поради изведување на водоводен прикључок од Ф100.
Без вода ќе бидат корисниците од улицата Невена Георгиева Дуња, улицата Дренак, улицата Виктор Иго и улицата Драга Стојановска во општина Кисела Вода. Прекинот на водоснабдувањето ќе биде од 09 часот до завршување на санирарањето.
Oд 09 часот поради изведување на водоводен приклучок Ф100 мм на улица Демир Трајко 64а ќе има прекин на вода на следните улици Демир Трајко, дел од улицата Ванчо Мицков и булеварот Партизански Одреди на Крак 1, 3, 5, 7, 9, 11 до завршување на истиот, општина Карпош.
Македонија
Променливо облачно со повремен локален дожд

Времето денеска, променливо облачно со повремен локален дожд. Наместа ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе биде во интервал од 4 до 11, а максималната ќе достигне од 15 до 23 степени.
Во Скопје, променливо облачно со повремен дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 23 степени.
Во среда ќе има преодно стабилизирање на времето, а нов влажен бран со пообилни врнежи од дожд се очекува во четврток кон крајот на денот и во петок.