Македонија
Владата ќе ја дисциплинира јавната администрација

Владата со предлог измени на повеќе закони ќе ја дисциплинира јавната администрација
Премиерот Никола Груевски заедно со сите министри од Владата попладнево околу 40-тина минути ги презентираше предлог измените и дополнувањата на околу осум закони кои вчера поминале на владината седница. Освен измените на овие закони, кои се чадор закони од оваа област, Груевски најави предлог измени и за уште десетици други материјални закони.Првата измена се однесува на постапката за вработување на јавните службеници. Во насока на подобрување на постапката за селекција и вработување се воведува т.н психолошки тест и тест за интегритет, кој ќе го полагаат само избраните службеници во јавната администрација, односно оние кои ги положиле стручните тестови или оние кои сакаат да напредуваат.Доколку пријавениот службеник ги положил сите стручни тестови, но не го положил психолошкиот тест или тестот за интегритет, тогаш ќе биде дисквалификуван. Со ова треба да се докаже дека идните вработени ќе бидат психолошки здрави личности и чиј интегритет е доволно висок за да станат дел од државната администрација.Со измените, се воведува обврска за пробна работа на службениците во времетраење од една година, а ќе се однесува на лицата кои првпат се вработуваат или се пријавуваат за работа на повисоко место.За време на пробната работа тече работниот стаж на работникот. Со измените исто така се поедноставува постапката за престанок на вработување на јавен службеник, ако јавниот службеник несовесно и нестручно ги извршува работните задачи,„Честопати досега кога некој службеник ќе добиеше решение за неопределено време комплетно го менуваше темпото и начинот на работа кон негативно, верувајќи дека законите толку многу го штитат што во никој случај не може да ја загуби работата“ вели Груевски.Во иднина, доколку некои граѓани имаат потреба да извадат документ, ќе треба да поднесат само барање до институцијата која ја издава службената исправа, а потоа самата институција ќе има обврска сама да ги собере сите останати документи од другите институции по службена должност и да им го издаде на граѓаните документот.Доколку не се електронски поврзани, документите ќе ги собираат преку пошта или курир. Се очекува за неколку месеци сите институции да бидат електронски поврзани.„Ако досега се чекало и шетало по десет шалтери по стапувањето на сила ќе одат само на еден шалтер“ вели Груевски.Ако во законски утврдениот рок државниот орган не се произнесе по барањето наГраѓанинот во рок утврден со закон, тогаш по истекот на рокот, граѓанинот има право во рок од три дена да може да достави жалба до раководното лице на органот, а раководното лице има обврска во рок пет дена да му одговори на граѓанинот дали неговото барање е прифатено или одбиено.Доколку не одговори, граѓанинот има право да се жали и до државниот управен инспекторат, по што ќе следуваат казни за несовесните службеници.Во ваква ситуација, службеникот би бил казнет со парична казна од 1.500 до 3.000 евра, за раководното лице на секторот од 3.000 до 6.000 евра, а за раководителот на институцијата ќе следува казна од 7.500 до 15.000 евра.Со овие строги казни и санкции, владата има за цел да создаде ефикасна и професионална администрација која ќе им служи на граѓаните
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Захариева: Се прават напори да ги испорачаме ветените вакцини за Северна Македонија

Министерот за надворешни работи, Бујар Османи, на враќање од посетата на Париз, денеска, во Софија, оствари средба со својата бугарска колешка Екатерина Захариева.
Како што информираат од Министерството, на средбата биле разгледани актуелностите поврзани со корона-кризата и начините на кои двете земји остваруваат соработка во справувањето со овие предизивици.
„Во оваа пригода Захариева потврди дека се прават напори за изнаоѓање начин за испорака на ветените вакцини за Република Северна Македонија“, се наведува во соопштението за средбата.
Во него се додава и дека на состанокот станало збор за акцискиот план за меѓусебна соработка, можноста за неговата финализација, а во функција на евентуално договарање втора меѓувладина конференција меѓу двете влади, чии копретседавачи се токму министрите Османи и Захариева.
Македонија
Османи: Северна Македонија ги чувствува последиците од неуспехот на механизмите за снабдување со вакцини

Министерот за надворешни работи, Бујар Османи, учествуваше на онлајн-министерскиот состанок на алијансата за мултилатерализам, што на иницијатива на министрите за надворешни работи на Франција и на Германија, Жан Ив Ле Дриjан и Хаjко Мас, се одржува на маргините на високиот сегмент на 46. сесија на Советот за човекови права на ООН.
„Република Северна Македонија, со целосно потпирање врз мултилатералните механизми во обезбедувањето вакцини, ги чувствува последиците од севкупниот неуспех да се спроведе на дело она за што силно се залагаме на зборови“, истакна Османи.
Потенцирајќи дека мултилатерализмот останува единствениот можен начин за справување со глобалните предизвици, во своето излагање Османи особено се осврна на влијанието на пандемијата на Ковид-19 врз продлабочувањето на постојната нееднаквост меѓу развиените и земјите во развој, како и врз нарушувањето на човековите права во глобален контекст.
Во делот на дискусијата на тема „Новите предизвици за човековите права, подготвеноста и одговорот за справување со пандемијата“ тој ја нагласи неможноста за еднаков пристап до вакцините како дополнителен фактор што ги влошува состојбите.
Алијансата за мултилатерализам претставува важен форум за промовирање заеднички солуции за глобални предизвици преку зајакнување на мултилатералната соработка. Формирана на иницијатива на францускиот и германскиот министер за надворешни работи во 2019 година, оваа неформална алијанса е отворена за земји што веруваат дека мултилатерализамот е единствена гаранција за меѓународна стабилност и мир, со решавање на предизвиците преку соработка.
Македонија
(Видео) Андоновски: Граѓаните со своите потписи докажаа дека не сакаат политички мотивиран попис

Стефан Андоновски, член на ИК на ВМРО-ДПМНЕ, денеска од Неготино порача дека граѓанската акција за собирање потписи, со кои ќе се поништи Законот за пописот, се одвива одлично додавајќи дека во тој град се собрани повеќе од 1.000 потписи.
„ВМРО-ДПМНЕ не е против попис, пописот ни е сериозно потребен за градење политики, мерки за иднината, за планирање на економијата, за планирање на вработувањата. Но, тие вработувања не смее и не може да се базираат на попис, кој е некредибилен, спротивен на сите стандарди, политички мотивиран“, порача претставникот на опозициската партија.
Тој додаде дека акцијата ќе продолжи уште две недели во сите градови и изрази надеж дека ќе бидат постигнати сериозни бројки.
„Почнавме многу сериозно, во првиот викенд беа собрани над 50.000 потписи. И сигурни сме дека до крајот на акцијата бројката ќе стане и шестцифрена и ќе може да имаме сериозна поддршка во Собранието за да можеме да го спречиме овој попис што сакаат да ни го организираат“, истакна Андоновски.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер