Македонија
Се проширува истрагата за Кале – уште 12 осомничени

Се проширува истрагата околу инцидентот што се случи на Кале. Јавното обвинителство до Кривичниот суд доставило барање за отворање на истрага против уште 12 лица, осомничени дека учествувале во инцидентот.
Се проширува истрагата околу инцидентот што се случи на Кале. Јавното обвинителство до Кривичниот суд доставило барање за отворање на истрага против уште 12 лица, осомничени дека учествувале во инцидентот.
„До овој суд доставено е барање за дополнување на предлогот за преземање определени истражни дејства против дванаесет осомничени лица поради постоење основи на сомнение да сториле кривично дело „Учество во толпа што ќе спречи службено лице во вршење службено дејствие“ од чл.384 став 1 од КЗ на РМ“, соопштуваат од Основниот суд 1.
Скопското Јавно обвинителство претходно поднесе барање за отворање на истрага против 47 лица од кои шест се малолетници.
Минатиот месец се судрија две групи, „за“ и „против“ изградбата на објектот на Кале, повредени беа осум лица, меѓу кои тројца полицајци./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.