Новинарката Кристина Озимец од новинската агенција „Макфакс“ ја доби третата награда за најдобра истражувачка сторија на 2010 година, која ја доделува Македонскиот институт за медиуми.

Новинарката Кристина Озимец од новинската агенција „Макфакс“ ја доби третата награда за најдобра истражувачка сторија на 2010 година, која ја доделува Македонскиот институт за медиуми.Наградата е доделена за серијата написи за изнудената членарина на студентите за Студентскиот парламент при УКИМ, објавени во новинската агенција Макфакс.Втората награда во изборот за најдобрата истражувачка сторија на 2010 година и беше доделена на Александра Филиповска за серијата написи за незаконските примања на претседателот на Сојузот на синдикатите на Македонија (ССМ), објавени во дневниот весник „Дневник“.„И двете стории содржат оригинална истрага во која авторките дошле до сознанија кои поединци и институции сакале да ги чуваат подалеку од јавноста, а со кои се потврдуваат незаконски постапки, несоодветни и нелегални дејствувања. Консултирани се повеќе релевантни извори и сториите се анализирани од неколку агли. Темите што се обработени имаат пошироко значење и влијание врз заедницата и што е најважно, нивното објавување во медиумите предизвикало акција кај надлежните да преземат постапки со кои ќе се исправат грешките“, заклучија од независната Комисија за избор на најдобрата истражувачка сторија за 2010 година.Комисијата беше во состав: Јасмина Миронски, предавач на Високата школа за новинарство и за односи со јавноста и новинар на Франс-прес, Љубиша Николовски, уредник во А1 ТВ, Насер Селмани, претседател на Здружението на новинарите на Македонија и новинар во дневниот весник „Вест“, Љупчо Зиков, директор и главен уредник на весникот „Капитал“ и Билјана Петковска, директор на Македонскиот институт за медиуми.Комисијата годинава одлучи да не ја додели првата награда, бидејќи според нив, ниту една од пријавените стории не ги исполнува критериумите за да биде прогласена за најдобра истражувачка сторија.На конкурсот што годинава по јубилеен десетти пат го објави МИМ, пристигнале 110 текстови и ТВ прилози од 37 автори.Со серијата текстови за „Студентската членарина“ по дваесет години неправедно принудно прибирање финансиски средства од студентите конечно се извојува една мала победа за нив. Студентската членарина за членство во студентските парламенти при факултетите (која се движи од 150 па до 300 денари во зависност од факултетот) со децении наназад беше сместувана како дел од документите потребни за упис на студентот, иако ова е нелегално. По сторијата на Макфакс, која ги отвори прашањата за тоа каде оделе овие пари сите овие години, зошто студентите не биле информирани дека не мора да ја плаќаат оваа уплатница и биле принудувани да плаќаат и да бидат членови на студентските парламенти кои всушност се невладини организации, таа и дефинитивно беше отстранета од документите за упис. Работата стигна и до Уставниот суд на Р. Македонија, по што Претседателот на Студентскиот парламент при Универзитетот „Св.Кирил и Методиј“, Иван Живковски изјави дека ќе се враќа неправедно уплатената членарина. Сите студенти кои поднесоа барање до својот матичен факултет, имаа можност да си ги вратат своите пари. Инаку доколку хипотетички се пресмета просек од 30.000 студенти кои уплаќале по 200 денари за членство во студентските парламенти, тогаш секоја година на нивна сметка студентите „донирале“ по најмалку 100.000 евра. /крај/макфакс